Prezıdenttiń is basqarmasy Medıtsınalyq ortalyǵynyń aýrýhanasy ulttyq akkredıtteýdiń joǵary sanatyna ıe boldy

<p>ASTANA. KAZINFORM &mdash; QR PІB MO aýrýhanasy 1997 jyly Qazaqstannyń elordasy Astanaǵa kóshkennen keıin ashyldy. Astanamen túıdeı qurdas Aýrýhana &ndash; alǵashqy medıtsınalyq kómekten bastap joǵary tehnologııaly operatsııalar men ońaltýǵa deıingi aýqymdy medıtsınalyq qyzmetterdi usynatyn jetekshi kópsalaly uıym. Munda qyzmet etetin barlyq dáriger men medıtsına qyzmetkeri halyqaralyq standarttarǵa saı bolý úshin qatań irikteýden ótip, únemi bilim alyp, biliktiligin arttyryp turady.</p>

Aýrýhana bazasynda 2018 jyldan bastap aýrýlarǵa genetıkalyq beıimdilikti anyqtaý, onkologııalyq aýrýlardy dıagnostıkalaý jáne emdeý úshin NGS tehnologııalaryn qoldanatyn Derbestendirilgen genomdyq dıagnostıka zerthanasy tabysty jumys istep keledi. Bıyl zerthana Qazaqstanda alǵashqy bolyp Daýn sındromyn júktiliktiń 10-aptasynan bastap 99% dáldikpen anyqtaýǵa bolatyn prenataldyq test engizdi.

2018 jyly ýrologııa, gınekologııa jáne hırýrgııa boıynsha operatsııalardy kómekshi-robotpen jasaıtyn Qazaqstandaǵy halyqaralyq robottalǵan hırýrgııa ortalyǵy ashyldy.

Foto: Prezıdenttiń is basqarmasy Medıtsınalyq ortalyǵy

QR PІB MO Aýrýhanasynda kúrdeli aýrýlardy dıagnostıkalaý jáne baqylaý úshin PET/KT jáne BFEKT/KT jabdyqtalǵan ıAdrolyq medıtsına ortalyǵy bar. Munda onkologııany anyqtaý úshin ftor, kómirtek jáne galııge negizdelgen 7 túrli radıofarmpreparat shyǵarylady. Bıyl Ortalyq bazasynda elimizde alǵash ret onkologııaǵa shaldyqqan naýqastardyń súıegindegi metastazdy emdeıtin biregeı radıonýklıdtik terapııa engizildi.

Sonymen qatar 2021 jyldan bastap zamanaýı halyqaralyq standarttarǵa sáıkes jobalanǵan tekserýlerden jyldam ótýge múmkindik beretin Check-up dıagnostıka bólimshesi jumys isteıdi.

Foto: Prezıdenttiń is basqarmasy Medıtsınalyq ortalyǵy

Aýrýhana joǵary sanatty ıelene otyryp medıtsınalyq qyzmet, ınnovatsııalyq tásil men ujymnyń kásibıligi joǵary dárejede ekenin taǵy bir márte dáleldep tur. QR PІB MO aýrýhanasy ǵylym, bilim men klınıkany ushtastyra otyryp Qazaqstandaǵy zamanaýı medıtsına etalony bolyp qala bermek.