Prezıdenttiń kómekshisi Rýslan Jeldibaı Tashkentte Saıda Mırzıeevamen kezdesti
22:02, 11 Jeltoqsan 2023
<p>Ózbekstan prezıdentiniń qyzy ári prezıdenttiń birinshi kómekshisi Saıda Mırzıeeva Instagram paraqshasynda Qazaqstan Prezıdentiniń ishki saıasat jáne kommýnıkatsııalar jónindegi kómekshisi Rýslan Jeldibaımen kezdesýi týraly jazdy, dep habarlaıdy <a href="https://kaz.inform.kz/" target="_blank" rel="noopener">Kazinform.</a> </p>
«Búgin biz Tashkentke «Jadıdter: ulttyq biregeılik, táýelsizdik jáne memlekettilik ıdeıalary» atty halyqaralyq ǵylymı konferentsııaǵa qatysý úshin kelgen QR Prezıdentiniń ishki saıasat jáne kommýnıkatsııalar jónindegi kómekshisi Rýslan Jeldibaımen kezdestik. Ortalyq Azııa jadıdteriniń el halyqtaryn biriktirýdegi róli, olardyń jasampazdyǵy men aımaqtyń jalpy damýyna qosqan úlesi týraly pikir almastyq. Biz Ózbekstan men Qazaqstan arasyndaǵy barlyq saladaǵy dostyq qarym-qatynasty odan ári nyǵaıtý máselelerin egjeı-tegjeıli talqyladyq», - dedi Saıda Mırzıeeva.