Prezıdenttiń Germanııaǵa sapary yntymaqtastyqqa qýatty serpin beredi – QZSI ǵylymı qyzmetkeri

<p>Memleket basshysy Qasym-Jomart Toqaevtyń Germanııaǵa sapary ózara tıimdi yntymaqtastyqqa qýatty serpin beredi. Mundaı pikirdi QR Prezıdenti janyndaǵy QSZI Almaty qalasyndaǵy ókildiginiń bas ǵylymı qyzmetkeri Erbolat Seılehanov bildirdi, dep habarlaıdy QazAqparat tilshisi.</p>

«Germanııa Qazaqstannyń Eýropalyq odaqtaǵy basty strategııalyq seriktesi. Oǵan máselen Prezıdent Qasym-Jomart Toqaevtyń bul elge saparlarynyń jıiligi dálel bola alady. Memleket basshysy GFR-ge 4 jyldyń ishinde úshinshi ret baryp otyr. Osy jyldyń maýsymynda Federaldy Prezıdent Frank-Valter Shtaınmaıer bastaǵan ókiletti delegatsııa keldi», – dedi ol.

Spıkerdiń atap ótýinshe, Qazaqstan men Germanııa arasyndaǵy qarym-qatynas, onyń ishinde barlyq saladaǵy memlekettik baılanystar joǵary deńgeıde qarqyndy damyp keledi. 2005 jyldan beri Germanııa Qazaqstan ekonomıkasyna 6 mlrd dollar ınvestıtsııa saldy. Bul rette ınvestıtsııanyń 90 paıyzy shıkizattyq emes sektorǵa quıyldy.

«Germanııanyń Ortalyq Azııamen taýar aınalymynyń 80 paıyzdan astamy Qazaqstanǵa tıesili. Sondyqtan da Berlın Qazaqstandy óńirdegi GFR-diń basty seriktesi retinde qarastyrady. Prezıdentimizdiń osy jolǵy sapary barysynda osynaý ózara tıimdi qarym-qatynas munan ary da qýatty serpin alatyndyǵyna nyq senimdimin», – dedi Erbolat Seılehanov.