Prezıdenttiń atyna Oraza aıt merekesine oraı quttyqtaý jedelhattary túsip jatyr

<p>ASTANA. KAZINFORM - Memleket basshysy Qasym-Jomart Toqaevtyń atyna barsha musylman qaýymy úshin qasıetti sanalatyn Oraza aıtqa oraı shet memleketterdiń basshylarynan jáne halyqaralyq uıymdardyń jetekshilerinen quttyqtaý jedelhattary kelip túsip jatyr.</p>

Túrkııa Prezıdenti Rejep Taııp Erdoǵan Qasym-Jomart Toqaevqa túrik halqynyń jáne jeke óz atynan júrekjardy lebizin bildirip, oǵan zor densaýlyq, baqyt, al dostas ári baýyrlas Qazaqstan jurtshylyǵyna baq-bereke tiledi.

– Yntymaq-birlik, baýyrlastyq qundylyqtaryn dáripteıtin osy qasıetti mereke Islam álemine jáne barsha adamzatqa beıbitshilik, baq-bereke ala kelsin, – dep jazylǵan Túrkııa Prezıdentiniń quttyqtaý jedelhatynda.

Ózbekstan Prezıdenti Shavkat Mırzıeev óz quttyqtaýynda Memleket basshysy Qasym-Jomart Toqaev pen baýyrlas Qazaqstan halqyna izgi tilegin bildirgen.

– Keıingi jyldary ortaq mádenı jáne rýhanı qundylyqtardy qasterleıtin dostas halyqtarymyzdyń ózara birligi nyǵaıyp keledi. Onyń beıbitshilik pen tynyshtyqty, ózara dostyqty dáripteıtin qasıetti Ramazan aıy men Oraza aıttyń izgi qaǵıdattarymen úndesetini sózsiz, – dep jazylǵan jedelhatta.

Qyrǵyzstan Prezıdenti Sadyr Japarov quttyqtaýynda memleketimizdiń basshysyna amandyq tilep, Qazaqstan halqynyń beıbit zamanda ósip-órkendeı berýine tilektestik bildirgen.

– Senimniń beriktigin, tózimdilik pen birlikti aıshyqtaıtyn osynaý rýhanı merekede halyqtarymyzdyń yntymaǵy nyǵaıyp, baq-berekesi eselene bersin, – dep jazdy qyrǵyz eliniń basshysy.

Tájikstan Prezıdenti Emomalı Rahmon óz jedelhatynda elderimiz arasyndaǵy dostyq qarym-qatynastyń joǵary deńgeıine kóńili tolatynyn atap ótken.

– Barsha musylman elderi úshin qasıetti sanalatyn meıramnyń adamgershilikke úndeıtin qundylyqtary men jasampaz dástúri halyqtarymyz arasyndaǵy myzǵymas berik baılanysty nyǵaıtýǵa aldaǵy ýaqytta da qyzmet ete beretinine senimdimin, – dep jazǵan Tájikstan basshysy.

Qasıetti Oraza aıt meıramyna oraı izgi tilegin Túrikmenstan Prezıdenti Serdar Berdimuhamedov te joldady.

– Ejelden adamgershilik, qaıyrymdylyq, meıirimdilik jáne rýhanı tazalyq sekildi asyl qasıetterdi dáripteıtin bul meıram musylman úmbeti arasyndaǵy ózara túsinistikti, yntymaq pen tatýlyqty nyǵaıta beretinine kámil senemin, – dep jazǵan Túrikmenstan Prezıdenti.

Sonymen qatar Memleket basshysyn BAÁ Prezıdenti sheıh Muhammed ben Zaıd Ál Nahaıan, Iordanııa Koroli II Abdalla, Marokko Koroli VI Muhammed, Bahreın Koroli Hamad ben Isa Ál Halıfa, Kýveıt Memleketiniń Ámiri sheıh Mıshaal ál-Ahmad ál-Djaber as-Sabah, Lıvııa Prezıdenttik keńesiniń tóraǵasy Muhammed ıÝnıs ál-Manfı, Oman Sultany Haısam ben Tarıq, Irak Prezıdenti Abdýl Latıf Rashıd, Palestına Prezıdenti Mahmýd Abbas, Pákistan Premer-mınıstri Shahbaz Sharıf, Sıngapýr Premer-mınıstri Lı Sıan Lýn, BAÁ Vıtse-prezıdenti, Premer-mınıstri jáne Dýbaı Ámirshisi sheıh Muhammed ben Rashıd Ál Maktým, BAÁ Vıtse-prezıdenti, Premer-mınıstrdiń orynbasary sheıh Mansýr ben Zaıd Ál Nahaıan, Túrikmenstan Halk Maslahatynyń tóraǵasy Gýrbangýly Berdimuhamedov, Tatarstan Respýblıkasynyń Raısy Rýstam Mınnıhanov, Islam yntymaqtastyǵy uıymynyń bas hatshysy Hısseın Brahım Taha jáne taǵy basqalar quttyqtady.

Qazaqstan Prezıdentiniń atyna quttyqtaý hattary men jedelhattar áli de kelip túsip jatyr.