Prezıdenttiń 9-15 qazan aralyǵyndaǵy aptalyq jumysyna vıdeosholý

<p>Aqorda Qazaqstan Prezıdenti Qasym-Jomart Toqaevtyń 9-15 qazan aralyǵyndaǵy aptalyq jumysyna vıdeosholý usyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

9 qazanda Memleket basshysy Іshki ister mınıstri Erjan Sádenovti qabyldady. Qasym-Jomart Toqaevqa elimiz boıynsha kisi óltirý, buzaqylyq, urlyq, qaraqshylyq, tonaý jáne mal urlyǵyna qatysty qylmystar sanynyń aıtarlyqtaı tómendeýine yqpal etken aldyn alý sharalary týraly málimet berildi.

Sol kúni Qasym-Jomart Toqaev Qarjylyq monıtorıng agenttiginiń tóraǵasy Janat Elımanovty qabyldady. Jyl basynan memleketke jalpy somasy 217 mıllıard teńge bolatyn aktıvter qaıtarylǵany baıandaldy.

10 qazanda Prezıdent jumys saparymen Qyzylorda oblysyna bardy. Onda saparyn Syrdarııa aýdany Naǵı Іlııasov aýylynyń tynys-tirshiligimen tanysýdan bastady.

Keıin byltyr boı kótergen «Eńbek alleıasynda» eńbek adamdarymen júzdesti. «Shyn máninde, eńbek adamdary halqymyz úshin eń qajet azamattar. Eń aldymen, biz eńbek adamdaryna qurmet kórsetýimiz kerek. Sizder osy aq kúrishtiń atasy – Ybyraı Jaqaevtyń jolyn jalǵap júrsizder. Sondyqtan men sizderdi qoldaımyn»,– dedi Memleket basshysy.

Odan ári Qyzylorda oblysyndaǵy mańyzdy nysandardyń jobasymen tanysty.Prezıdent Qyzylordada salynyp jatqan JEO-ny merziminde iske qosýdy tapsyrdy.

Temirbeton buıymdary zaýytyna, «Altyn orda» kúrish zaýytyna bardy.

Memleket basshysy 11 qazan kúni ótken Álemdik jáne dástúrli dinder kóshbasshylary sezi hatshylyǵynyń HHІ otyrysyna qatysýshylarǵa úndeý joldady.

Qytaıda ótken Azııa oıyndarynyń júldegerlerin qabyldady.

Otandastar forýmyna qatysýshylarǵa úndeý jasady.

QR Qaýipsizdik Keńesiniń otyrysy ótkizdi. Onda azyq-túlik qaýipsizdigin qamtamasyz etý jónindegi problemalar qarastyryldy.

Jyl saıyn ótetin Digital Bridge 2023 halyqaralyq tehnologııalyq forýmyna qatysyp, sóz sóıledi. Forým aıasynda birqatar sheteldik kompanııanyń basshylarymen kezdesti.

12 qazanda Prezıdent Almaty ákimi Erbolat Dosaevty qabyldap, 9 aıda atqarǵan jumysyn tyńdady.

Sol kúni «Qazaq tili» qoǵamynyń prezıdenti, Ulttyq quryltaıdyń múshesi Raýan Kenjehanulyna qazaq tilin damytýǵa baǵyttalǵan birqatar tapsyrma berdi.

13 qazanda Memleket basshysy Qyrǵyzstanǵa jumys saparymen bardy.

Onda TMD-ǵa múshe memleket basshylary keńesiniń keńeıtilgen quramdaǵy otyrysyna qatysyp, sóz sóıledi.