Prezıdenttiń 2 mlrd aǵash otyrǵyzý tapsyrmasy: 2023 jylǵy jospar tek 73% oryndalǵan

<p>ASTANA. KAZINFORM - QR Ekologııa jáne tabıǵı resýrstar mınıstrliginiń keńeıtilgen alqa otyrysy barysynda vıtse-mınıstr Nurken Sharbıev orman sharýashylyǵy men janýarlar dúnıesiniń damýy týraly baıandady.</p>

Atap aıtqanda, Memleket basshysynyń memlekettik orman qory aýmaǵynda 2 mlrd. aǵash otyrǵyzý jónindegi tapsyrmasyn oryndaý boıynsha ótken jyly 340 mln. dana kóshet otyrǵyzylǵany atap ótildi, bul jyldyq jospardyń 73%-yn quraıdy.

Tıisti jumysty Aqmola (83%), Aqtóbe (66%), Pavlodar (5%), Qaraǵandy (12%), Qostanaı (45%), Qyzylorda (82%) jáne Soltústik Qazaqstan (77%) oblystary, sondaı-aq «Semeı ormany» (47%), «Býrabaı» MUTP (42%), «Jasyl Aımaq» RMK (76%) kásiporyndary júrgizgen joq.

Ótken jylǵy josparlardyń oryndalmaýy qarjylandyrýdyń jetkiliksizdigi saldarynan orman tuqymdaryn jınaý jáne otyrǵyzý materıalyn ósirý boıynsha 2021 jylǵy josparly kórsetkishterge qol jetkizbeýden boldy. Bul óz kezeginde ótken jyly otyrǵyzý materıalymen qamtamasyz etilýine áser etti.

Osy sebepterge baılanysty bıyl jáne kelesi jyly da jospardyń tolyq oryndalmaı qalý qaýpi bar.

2024 jáne 2025 jyldary orman otyrǵyzý jumystaryn oryndaý úshin, 2023 jyly jospardyń oryndalmaýyn eskere otyryp, Sekseýil egýdi eseptemegende 712 mln. dana kóshet qajet. Shyn máninde, orman sharýashylyqtary óz pıtomnıkterinde eń kóp degende 242 mıllıon dana kóshet ósire alady. Bul — qajetti mólsherdiń 34%-y.