Prezıdenttik jastar kadr rezervi: kelesi kezeńge ótken úmitkerlerdiń tizimi shyqty

<p>Prezıdenttik jastar kadr rezerviniń resmı saıtynda testileýdiń kelesi blogy &ndash; &laquo;Sandyq aqparatpen jumys isteý qabiletin baǵalaýǵa&raquo; jiberilgen úmitkerler tizimi jarııalandy, dep habarlaıdy QazAqparat.</p>

1 qazanda ótken «Mátindik aqparatpen jumys isteý qabiletin baǵalaý» testileýine 6 404 úmitker jiberilip, oǵan onyń 5398-i qatysty. Úmitkerler mátindik aqparatty taldaý qabiletin anyqtaý testinen ótti.

Kelesi kezeńge ótken tulǵalardyń tolyq tizimi pkrezerv.gov.kz resmı saıtynda qoljetimdi.

Іrikteý tártibine sáıkes kelesi testileý – «Sandyq aqparatpen jumys isteý qabiletin baǵalaýǵa» qatysýshylardyń jalpy sanynyń 50% jiberiledi. Birneshe úmitkerdiń nátıjesi birdeı bolǵan jaǵdaıda kelesi testileý blogyna kóbirek qatysýshylar sany jiberilýi múmkin.

Osylaısha, testileýdiń ekinshi blogy «Sandyq aqparatpen jumys isteý qabiletin baǵalaýǵa» eń jaqsy nátıje kórsetken 2967 úmitker jiberildi.

Testileýdiń ekinshi blogy aǵymdaǵy jylǵy 7 qazanda ótedi. Ol úmitkerdiń kesteler, grafıkalar jáne dıagrammalar túrindegi sandyq aqparatpen jumys isteý qabiletin anyqtaýǵa baǵyttalǵan 25 test tapsyrmasynan turady.

«Sandyq aqparatpen jumys isteý qabiletin baǵalaý» testileýine jiberilgen barlyq úmitkerler 6 qazan saǵat 23:59-ǵa deıingi merzimde (Astana qalasynyń ýaqyty boıynsha) óziniń jeke kabınetinde test tapsyrý ýaqytyn tańdaýy qajet.