Prezıdenttik ortalyq qyzmetkerleri mektep oqýshylaryna kóshpeli mýzeı sabaǵyn ótkizdi

<p>ASTANA. KAZINFORM &ndash; Respýblıka kúni qarsańynda QR PІB Prezıdenttik ortalyǵynyń qyzmetkerleri elordadaǵy Y.Altynsarın atyndaǵy №83 mektep-gımnazııada &laquo;Qazaqstan Respýblıkasynyń memlekettik rámizderi&raquo; taqyrybynda kóshpeli mýzeı sabaǵyn ótkizdi.</p>

Oqýshylardyń tanym kókjıegin keńeıtip, patrıottyq sezimin nyǵaıtýǵa baǵyttalǵan is-sharada dáriskerler Memlekettik tý men Eltańbanyń árbir elementine jan-jaqty toqtalyp, mán-mańyzyn túsindirdi. Ánurannyń mátinine mazmundyq taldaý jasady.

Foto: QR PІB Prezıdenttik ortalyǵy

Kórnekilik retinde Prezıdenttik ortalyq mýzeıi men arhıv qoryndaǵy tarıhı qujattar, sonyń ishinde Egemendik týraly deklaratsııanyń kóshirmesi oqýshylar nazaryna usynyldy. 

Foto: QR PІB Prezıdenttik ortalyǵy

— Prezıdent ortalyq mamandaryna kóp rahmet. Sabaq qyzyqty ótti, qundy aqparattarmen tanystyq. Eltańbadaǵy 41 elementtiń árqaısysyn jeke taldap, Ánuranymyzdyń shyǵý tarıhy týraly habardar boldyq, - deıdi mektep-gımnazııanyń 7 «Q» synybynyń oqýshysy Raıys Qadys.

Foto: QR PІB Prezıdenttik ortalyǵy

Prezıdenttik ortalyq qazan aıynyń basynan beri elordadaǵy orta mektepterde 28 mýzeı sabaǵy men semınar-trenıng ótkizgenin atap ótken jón. Bul is-sharalarǵa myńǵa tarta oqýshy qatysty.