Prezıdenttik kadr rezervine irikteý: Assessment-ortalyqtan ótkender tizimi jarııalandy

<p>Prezıdenttik jastar kadr rezerviniń resmı <a href="https://pkrezerv.gov.kz/" target="_blank" rel="noopener">saıtynda</a> irikteýdiń kezekti kezeńi &laquo;Quzyretterdi baǵalaýdyń&raquo; birinshi blogy - Assessment-ortalyqtan ótken tulǵalardyń tizimi jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> QR MQІA baspasóz qyzmetine silteme jasap.&nbsp;</p>

Assessment-ortalyq arqyly quzyretterdi baǵalaý oflaın formatta 19-24 qazan aralyǵynda ótkizildi. Assessment-ortalyq – bul kásibı quzyretterdiń damý deńgeıin anyqtaý jáne naqty jumys jaǵdaıyna jaqyn iskerlik oıyndarǵa tartý arqyly áleýetti anyqtaý, kandıdattar qyzmetiniń negizgi elementterin modeldeýge negizdelgen jeke jáne toptyq jaǵdaılardy sheshýde quzyretterdi keshendi baǵalaý ádisi. Quzyretterdi baǵalaý úshin sertıfıkattalǵan baǵalaýshylar men sýpervızorlar tartyldy.

Assessment-ortalyǵyna 244 úmitker qatysyp, onyń qorytyndysy boıynsha «Quzyretterdi baǵalaý» kezeńiniń ekinshi blogy «Quzyrettilik boıynsha suhbatqa» 2,22 jáne odan joǵary ball jınaǵan 170 kandıdat jiberildi.

Quzyrettilik boıynsha suhbat 20-24 qarasha aralyǵynda onlaın-formatta ótedi. Jeke tereńdetilgen suhbat júrgizý úshin kásibı HR-sarapshylar tartylatyn bolady. Ol kandıdattyń qundylyqtar baǵdaryn kórsetetin quzyretterin jáne ishki ynta-jigerin anyqtaýǵa, sondaı-aq belgili bir jaǵdaılarda kandıdattyń minez-qulyq úlgilerin boljaýǵa baǵyttalǵan.

Іrikteý tártibine sáıkes eń jaqsy nátıje kórsetken 170 úmitker úshin suhbatqa tirkelý aldyńǵy blokqa uqsas onlaın-platformada júzege asyrylady. Suhbat nátıjeleri boıynsha kelesi kezeń – «Sarapshylyq komıssııada áńgimelesýge» 150-den aspaıtyn kandıdat jiberiletin bolady.

Іrikteý jeńimpazdary aǵymdaǵy jyldyń jeltoqsan aıynda jarııalanady. Qorytyndysy boıynsha rezervke 50 adam qabyldanady.