Prezıdenttiń jumys oryndaryn qurý tapsyrmasyn keıbir oblystar oryndaı almaı otyr - mınıstr

ASTANA. QazAqparat – Prezıdenttiń jumys oryndaryn qurý tapsyrmasyn keıbir oblystar oryndaı almaı otyr. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Jumyspen qamtýǵa járdemdesýdiń kelesi sharasy – Prezıdenttiń qalalar men aýdandarda turatyn 10 myń adamǵa 100 jumys ornyn qurý jónindegi tapsyrmasy. Jumys oryndaryn qurý jospary Soltústik Qazaqstan jáne Pavlodar oblystarynan basqa barlyq óńirde asyra oryndalǵan. Alaıda, Memlekettik kirister komıtetiniń derekterine júginsek, oblystarda tapsyrmanyń oryndalý deńgeıi birkelki emes. Máselen, Soltústik Qazaqstan oblysyndaǵy 14 aýdannyń 11-inde jumys oryndaryn qurý jospary 60 paıyzdan tómen. Maǵjan Jumabaev aýdanynda jospar nebári 22 paıyzǵa oryndalǵan», - dedi Tamara Dúısenova.

Onyń atap ótýinshe, Pavlodar oblysyndaǵy 13 aýdannyń 7-eýinde jospar oryndalmaǵan.

«Álıhan Ashanuly, osy baǵyttaǵy jumystyń mańyzdy ekenin eskere otyryp, ákimderge tıisti sharalar qabyldaýdy tapsyrý jáne onyń nátıjesin 10 aıdyń qorytyndysy boıynsha qaıta qaraý qajet dep sanaımyz», - dedi mınıstr Úkimet basshysy Álıhan Smaıylovqa qarata aıtqan sózinde.

Foto:primeminister.kz