Prezıdenttiń jemqorlyqqa qarsy bastamalaryn zańnamalyq turǵyda qamtamasyz etý mańyzdy - Nurlan Qylyshbaev
«Prezıdent Qasym-Jomart Toqaevtyń Qazaqstan halqyna Joldaýynda aıtylǵan mańyzdy baǵyttardyń biri – sybaılas jemqorlyqqa qarsy kúres.
Prezıdent atap ótkendeı, memlekettik organdardyń shaǵyn jáne orta bıznes qyzmetine kez kelgen aralasýy memleketke qarsy jasalǵan aýyr qylmys retinde qaralatyn bolady.
Osy rette zańnamaǵa ózgerister engizý asa qajetti. Sybaılas jemqorlyq qylmysyn jasaǵan adamdardy shartty túrde merziminen buryn bosatý úshin tosqaýyl qoıý, olar úshin memlekettik organdar men kvazımemlekettik sektorda jumys isteýge tyıym salý qajet.
Sondaı-aq, Memleket basshysy aldyn alý sharalaryna, sybaılas jemqorlyqqa jaǵdaı týǵyzatyn faktorlardy joıýǵa erekshe nazar aýdarý qajettigin atap ótti. Sybaılas jemqorlyqqa qatysty zań buzýshylyqtardyń basym bóligi kóleńkeli ekonomıkadan keledi. Prezıdent atap ótkendeı, JІÓ-niń úshten bir bóligi kóleńkeli sektorǵa tıesili. Kóleńkeli ekonomıka problemasyn sheshý memleket bıýdjetine qosymsha túsimderdi qamtamasyz etýge múmkindik beredi.
Q.Toqaev depýttardyń aldyna sybaılas jemqorlyqqa qarsy kúrestiń zańnamalyq bazasyn qamtamasyz etý týraly naqty tapsyrma belgilep otyr», - dedi depýtat.