Prezıdenttiń jańa jyldyq shyrshasy túrkistandyq 200-den astam oqýshyny qýanyshqa bóledi
Búgin Túrkistan qalasynda «Qosh keldiń, Jańa jyl – jańa beles, jańa arman!» atty QR Prezıdentiniń jańa jyldyq shyrshasy ótti. Ertegiler men mýltfılm keıipkerleri balalardyń kóńil-kúıin kóterip, teatrlandyrylǵan qoıylymdar sahnalandy. Jańa jyldyq shyrshanyń shamyn jaǵyp, búldirshinderdiń qýanyshyna ortaqtasqan oblys ákimi Darhan Satybaldy balalardy merekemen quttyqtady.
«Memleket basshysy óz sózinde – urpaqtyń bolashaǵyna basa mán beretindigin, jastarǵa zor úmit artyp, jastarymyz atqarylyp jatqan aýqymdy jumystyń, reformalardyń ıgiligin mindetti túrde kóretinin jetkizdi. Bul rette Qasym-Jomart Kemeluly balalarǵa erekshe kóńil bólý kerektigin jetkizdi», – dedi óńir basshysy.
Merekelik sharada áýelegen án, myń buralǵan bıshiler balalarǵa erekshe áser syılady. Balalarǵa merekelik arnaıy syılyqtar úlestirilip, shara joǵary deńgeıde atalyp ótildi.
Aıta keteıik, aǵymdaǵy jyly densaýlyq saqtaý mekemelerinde 1602 bala arnaıy ońaltý emin, 3892 bala saýyqtyrý emin qabyldaǵan. Respýblıkalyq ońaltý ortalyqtarynda 507 balaǵa oryn berilgen. Qala syrtyndaǵy jazǵy saýyqtyrý lagerlerinde áleýmettik jaǵdaıyna baılanysty 22 324 bala bıýdjet esebinen tegin demaldy.
Balalar úshin mýzeılerge, kitaphanalar men teatrlarǵa tegin joldamalar berilýde