Prezıdenttiń utymdy bastamalary senimdilik uıalatty - Bekarys Shoıbekov
«Táýelsiz elimizdiń jańa Prezıdenti óz mindetin atqarýǵa resmı túrde kiriskenin kózimmen kórip, onyń oıǵa qonymdy oılary men utymdy bastamalaryn óz aýzynan estip, kóńilip marqaıyp otyrmyn. Qazaqtyń ulttyq biregeıligin saqtaý men memlekettiligin nyǵaıtýdyń eń negizgi sharty - halyq rýhanııatyn jas urpaqtyń boıyna sińire bilý. Qasym-Jomart Kemelulynyń «Rýhanı jańǵyrý» qundylyqtaryn dáripteýdi odan ári jalǵastyrý týraly aıtqan oılaryn tolyq qoldaımyn»,- deıdi Bekarys Shoıbekov.
Aqynnyń sózinshe, qazaq halqy úshin rýhanı qundylyqtardy baǵalaý men qadirine jetý ultymyzdyń birligi jáne jasampazdyǵyn nyǵaıtady.
«Rýhanı jańǵyrý qundylyqtary bizdiń basty rýhanı baǵdarymyz bolyp qala beredi. Tarıhqa qurmetpen qaraý, Otanǵa adal bolý, ǵylym men bilimge degen umtylys - munyń barlyǵy bizdiń halqymyzdyń boıyndaǵy asyl qasıetter» degen Prezıdent munyń, básekege qabiletti el bolýǵa jol ashatynyn atap ótti. Memleket basshysy Qazaqstandy bolashaqqa bastaıtyn jastar ekenine, sondyqtan bul baǵdarlamany jas urpaqty tárbıeleýge baǵyttaýymyz qajettigine toqtaldy. Menińshe, bul eń durys baǵyt ekeni anyq»,- deıdi Bekarys Shoıbekov.