Prezıdenttiń Teleradıokeshenine 25 jyl toldy
TRK ujymy alǵashqy kúnnen bastap Memleket basshysynyń qyzmetin, reformalardy iske asyrý barysyn, Prezıdenttiń bastamalary men tapsyrmalaryn aýqymdy aqparattyq súıemeldeý boıynsha qoǵamdyq-saıası kontentti ázirleı bastady.
Memleket basshysynyń qyzmetine qatysty aqparattyń jalǵyz provaıderi bola otyryp, TRK óz óniminiń jelisin únemi keńeıtip otyrady. Bul – derekti, qysqametrajdy fılmder, beınerolıkter, sondaı-aq qoǵamdyq-saıası mańyzy bar baǵdarlamalar.
25 jyl ishinde 800-den astam derekti fılm daıyndaldy, olardyń birqatary respýblıkalyq jáne halyqaralyq syılyq pen marapatqa ıe boldy. Áleýmettik jelilerde belsendilik Facebook, Instagram, YouTube, Telegram, Tik Tok úshin qajetti kontent ázirlenedi.
TRK Táýelsizdigimizdiń damý tarıhy jylnamasynyń – biregeı beınemuraǵatynyń quqyǵyn ıelenedi.
Teleradıokeshenniń basshysy Raýshan Qajybaevanyń aıtýynsha: «Shırek ǵasyrdan beri TRK-niń basty nıýsmeıkeri Prezıdent, saıasat pen memlekettiń ıdeologııasy bolǵan jáne bolyp qala beredi. TRK jumysynyń negizgi qaǵıdaty – shynaıylyq, salmaqtylyq, mıllıondaǵan aýdıtorııa úshin aqparattyń qoljetimdi bolýy mańyzdy bolyp qala beredi».
Teleradıokeshenniń ujymy – rejısserler, redaktorlar, grafıkalyq dızaınerler, prodıýserler, ákimshiler, operatorlar, montajerler, dybys rejısserleri, stsenarıster, beınemuraǵat mamandary qazirgi zamanǵy derekti kınoda qoldanylatyn jańa ıdeıalar men tásilderdi únemi izdeýde.
TRK Bas dırektory «Biz odan ári damýǵa jáne jańǵyrtýǵa, Qazaqstannyń qoǵamdyq-saıası dokýmentalıstıkasy segmentindegi jetekshi medıaresýrs – Memleket basshysynyń aldymyzǵa qoıyp otyrǵan jańa ór maqsattardy sheshýge daıynbyz. Bul turǵyda Teleradıokeshen tarıh jylnamashysy ǵana emes, halyq pen memlekettiń mádenı murasynyń mańyzdy bóligi bolyp tabylady», – dep atap kórsetti.