Prezıdenttiń on ulttyq jobasyna qoǵamnyń negizgi máseleleri qamtylǵan - saıasattanýshy

ALMATY. QazAqparat - Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynyń Áleýmettik-saıası zertteýler bóliminiń basshysy, saıasattaný mamandyǵy boıynsha PhD doktory Indıra Rystına Prezıdent Qasym-Jomart Toqaev Jarlyǵymen bekitilgen On ulttyq joba tizbesine qatysty pikirimen bólisti, dep habarlaıdy QazAqparat tilshisi.

«Memleket basshysynyń bekitken on ulttyq jobasyndaǵy árbir jobanyń túpkilikti jeter maqsaty bolady. Bul maqsatqa jetý merzimi memlekettik baǵdarlamalarǵa qaraǵanda qysqa bolady. Sondaı-aq, ulttyq jobanyń merzimin uzartýǵa múmkindik bolmaıdy. ıAǵnı bir maqsatqa jetkenmen, ulttyq joba óziniń negizgi fýnktsııasyn atqaratyn bolady»,- deıdi saıasattanýshy.

Onyń aıtýynsha, osyǵan deıingi ýaqytta bizdiń úkimetimiz memlekettik baǵdarlama baǵdarlamalar formatynda jumys istegen bolatyn. Árbir memlekettik baǵdarlamany uzartyp jiberýge ne bolmasa ındıkatorlaryn aýystyrýǵa bolady jáne bul baǵdarlamalardyń bir ereksheligi osy protsesske negizdelgen. ıAǵnı eń basty nátıjesi retinde protsesstiń júzege asyrylýy boldy. Búgingi kúni ulttyq jobalarǵa kóshken kezde, biz protsess mańyzdylyǵyn ekinshi orynǵa shyǵaryp, eń alǵashqy maqsaty retinde osy ulttyq jobanyń jeter núktesin kórip otyrmyz. ıAǵnı, eń bastysy nátıje kórsetý. Al bul nátıjege jetýdiń joldary aýyspaly bolýy múmkin. Memlekettik baǵdarlamalar men ulttyq jobalardyń basty aıyrmashylyǵy osyndaı.

«Ulttyq jobalar on taqyrypta jazylǵan. Bul on taqyryptyń barlyǵy da azamattarǵa túsinikti. Onda árbir azamatty alańdatatyn

qoǵamdyq negizgi máselelerdi qarastyratyn on joba: bilim, densaýlyq, ekologııa, memlekettik qyzmetter, qaýipsizdik, ómir sapasy sekildi jáne t.b. qoǵamdy alańdatyp otyrǵan máselelerdiń tóńireginde jazylǵan. Sonymen qatar, osy jobalardy júzege asyrý kezindegi úkimettiń is áreketteri azamattardyń kúndelikti shynaıylyqpen qalaı baılanysty ekenin túsinýge múmkindik beretin bolady»,- dedi spıker.