Prezıdenttiń ókilettigi birtindep qysqartylady – Qasym-Jomart Toqaev

NUR-SULTAN. QazAqparat – Prezıdenttiń ókilettigin birtindep qysqarta otyryp, Parlamenttiń rólin aıtarlyqtaı arttyrýymyz kerek. Bul týraly QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat tilshisi.

«Ekinshi másele – ókildi bılik tarmaǵyn qaıta qurý. Biz Prezıdenttiń ókilettigin birtindep qysqarta otyryp, Parlamenttiń rólin aıtarlyqtaı arttyrýymyz kerek. Sol arqyly memleketimizdiń ınstıtýtsıonaldyq tuǵyryn nyǵaıtamyz. Shyn máninde elimizde ókildi bılik tarmaǵy myqty bolýy qajet. Halyqtyń senim mandatyna ıe bolǵan depýtattarǵa joǵary jaýapkershilik júkteledi. Olar memleketimizdi órkendetý isine belsene atsalysýǵa tıis», - dedi Qazaqstan Prezıdenti.