Prezıdenttiń memqyzmetke qazaq tilin jetik biletinder taǵaıyndalýy kerek degeni qýantady - Aqjarqyn Esenova

NUR-SULTAN. QazAqparat – «Memleket basshysy Qasym-Jomart Toqaevtyń «memlekettik qyzmetke qazaq tilin jetik biletinder taǵaıyndalýy kerek» degen sózi kóńilge qýanysh uıalatady». Prezıdenttiń suhbatyna qatysty SQO Tilderdi oqytý ortalyǵynyń ádiskeri Aqjarqyn Esenova osyndaı pikir bildirdi.

«Memleket basshysy Qasym-Jomart Toqaev «Ana tili» gazetine bergen «Qazaq halqynyń taǵdyry tarıh tarazysynda tur» atty suhbatynda halyqaralyq qoǵamdastyqtyń aldynda kemshin ult retinde kórinbeý úshin qandaı qadamdar jasaý kerek ekendigin tizbektep berdi. Sonyń ishinde eń bastysy memlekettik qyzmetke qazaq tilin jetik biletinder taǵaıyndalýy kerek, tilge degen qajettilikti arttyrǵan jón deýi qýantady»,- deıdi ol.

Sondaı-aq, Aqjarqyn Esenova qazaq tilin bilý ómir qajettiliginen týyndasa, ár adam tildi óz erkimen, óz nıetimen jeńil meńgeretinin, al májbúrlep oqytsa, nátıjesi shamaly bolatynyn atap ótti.

Odan bólek ádisker tilimizdiń tuǵyry bıik bolýy úshin qadamdar ret-retimen jasalýy keregin tilge tıek etti.