Prezıdenttiń maqalasy búgingi qazaq eliniń damýyna qan júgirter oı ıirimderimen ózekti – Baýyrjan Erdembekov
Q.Jubanov atyndaǵy Aqtóbe óńirlik memlekettik ýnıversıtetiniń rektory, fılologııa ǵylymdarynyń doktory, professor Baýyrjan Erdembekov «Abaı jáne HHІ ǵasyrdaǵy Qazaqstan» maqalasyna oraı óz oı-pikirin bildirdi.
«Memleket basshysynyń Abaı týraly maqalasy búgingi qazaq eliniń damýyna qan júgirter oı ıirimderimen ózekti, Abaı sóziniń ómirsheńdigimen qudyretti. Abaı óz zamanynda qazaqty el qylýdyń qarmana qamyn jasasa, onyń árbir sózi tasqa qashalǵandaı bolashaqtyń aldynan kún ótken saıyn árlenip shyǵa beretinine kári ýaqyt kýá. Maqaladaǵy taqyrypshylar: «Ulttyq bolmystyń úlgisi», «Memleket isiniń múddelesi», «Jańa qoǵamnyń janashyry», «Álemdik mádenıettiń tulǵasy». Bul taqyrypshalardaǵy órilgen oılar almaǵaıyp zamanda rýhanı jańǵyrýlar men ulttyq sananyń sony bir serpilisin qajetsingen osynaý bir qazaq qoǵamyna aqyn sózin jetkizýdi maqsat etken dep oılaımyz. Abaı zamanynyń qazaǵy búgin qandaı? Ózgerdi me? Abaı synaǵan qazaq ózgerdi me? Sol qara sózdiń paıǵambary aıtqan synnan nátıje shyǵara aldy ma álde qalyń eli qazaǵy qaıran jurtynyń bolashaǵy buldyr tartyp bara ma? Mine, osy máseleler maqalada qylań beredi. Abaıdy taný – adamnyń ózin-ózi tanýy. Biz eldi, ultty Abaısha súıýdi úırenýimiz kerek nemese áleýmettik jaýapkershilikti Abaıdyń «tolyq adam» formýlasynan izdegen jón. «Nege qazaqtyń bitim-bolmysyn, mádenıetin Abaı arqyly tanytpaımyz? Abaıdy ultymyzdyń mádenı kapıtaly retinde nasıhattaýymyz kerek», deıdi maqaladaǵy soqtaly oılar. Mine, soqtaly oılarǵa asa mán berip, ár qazaqtyń boıyna Abaıdyń sózin uıalata alsaq, qazaqtyń ushpaqqa shyǵarý haq», - dedi Baýyrjan Erdembekov.
Foto: bilimdinews.kz