Prezıdenttiń quttyqtaý haty qýanyshymyzdy eseleı tústi – Atyraýlyq egizdiń anasy

ATYRAÝ. QazAqparat – Atyraýda el Táýelsizdiginiń 30 jyldyq merekesi kúni 84 sábıómirge kelgen bolatyn. Solardyń biri - egiz ul bosanǵan Áıgerim Muhambetjanova. «16 jeltoqsan bizdiń otbasymyz úshin eki merekeni qatar atap ótetin kúnge aınaldy. Biri – elimizdiń Táýelsizdik merekesi, ekinshisi – uldarymyzdyń týǵan kúni. Prezıdenttiń quttyqtaý haty kóńilimizdi kóterip, qýanyshymyzdy eseleı tústi», - deıdi QazAqparat tilshisimen qýanyshyn bólisken jas ana.

Budan buryn Atyraýda 84 sábıge «Súıinshi» syıqoraby tabys etilgenin jazǵan edik.

«Azamattarǵa arnalǵan úkimet» memlekettik korporatsııasy» KeAQ-nyń Atyraý oblysy

boıynsha fılıalynyń dırektory Mýsa Haırýllıevtyń málimetinshe, 84 sábıge

tabystalǵan «Súıinshi» syıqorabynda Prezıdent Qasym-Jomart Toqaevtyń quttyqtaý tilegi jazylǵan ashyq hat, «Táýelsiz Qazaqstanǵa 30 jyl» monetasy men balanyń týýy týraly kýáligi salynǵan.

Mereke kúnderi Atyraý qalasynda 73, Jylyoı aýdanynda 4, Qyzylqoǵada – 3,

Qurmanǵazyda – 2, Maqatta – 1, Inder aýdanynda 1 náreste ómirge kelgen. Olardyń

arasynda 2 egiz bar. Egiz bosanǵan ananyń biri – Áıgerim Muhambetjanova.

«El Táýelsizdiginiń 30 jyldyq merekesi kúni – 16 jeltoqsanda egiz uldarymdy bosandym.

Uldarymyzǵa Sultan jáne Sýleıman esimin berdik. Prezıdenttiń uldarymyzdyń bolashaǵyna izgi tilegin arnaǵan quttyqtaý haty kóńilimizdi kóterip, otbasylyq qýanyshymyzdy eseleı tústi», -deıdi ol.