Prezıdenttiń qoǵamdaǵy barlyq problemalardan habardar ekeni baıqaldy - ǵalym Qýat Baımyrzaev

TALDYQORǴAN.QazAqparat – Georgafııa ǵylymdarynyń doktory, professor, Jetisý ýnıversıtetiniń rektory Qýat Baımyrzaev Memleket basshysynyń suhbatyna oraı pikirin bildirdi, dep habarlaıdy QazAqparat tilshisi.

«QR Prezıdenti Qasym-Jomart Toqaevtyń «Qazaqstan» ulttyq telearnasyna bergen suhbatyn kórdim. Jalpy mazmundy suhbat boldy. Memleket basshysynyń qoǵamdaǵy barlyq problemalardan habardar ekeni anyq baıqalady. Halyqty ekiudaı oıǵa qaldyrǵan keıbir jaıttarǵa qatysty suraqtarǵa ásirelemeı, baıyppen jaýap berdi«,- dedi ol

Qýat Baımyrzaev, «Azamattarymyz adal eńbekpen tabys tabýdy eń basty orynǵa qoıýy qajet. Baqýatty el bolý bıliktiń jumysyna ǵana emes, ol, eń aldymen, árbir azamattyń eńbegine baılanysty. Eldiń turmysyn qurǵaq sózben emes, naqty ispen kóterý kerek. Bizdiń jastarymyz osyny aıqyn uǵynsa deımin», – degen Prezıdenttiń jaýaby óte oryndy deıdi.

«Joǵary oqý ornynyń basshysy retinde «Baqýatty el bolý bıliktiń jumysyna ǵana emes, eń aldymen, árbir azamattyń eńbegine baılanysty» ekenin jastarǵa uǵyndyrý asa mańyzdy dep sanaımyn. Eńbeginiń laıyq baǵalanatynyn bilgen árbir jas bar kúsh-jigerin jıyp, talmaı eńbektenetini anyq. Elimizdegi árbir oqý orny stýdentterdi akademııalyq adaldyqqa tárbıeleı alsa, qoǵamda adal eńbek etetin azamattar kóp bolady dep senemin«,- dep oıyn túıindedi Q. Baımyrzaev.