Prezıdenttiń qaýipsizdik jolyndaǵy saıası qadamdaryna qoldaý kórsetýimiz kerek – Baqytbek Smaǵulov

NUR-SULTAN. QazAqparat – QR Parlament Májilisiniń depýtaty Prezıdenttiń eldegi ahýaldy turaqtandyrý úshin Ujymdyq Qaýipsizdik týraly shart uıymynan kómek suraýyna qatysty pikir bildirdi, dep habarlaıdy QazAqparat tilshisi.

«Elimizde bolyp jatqan oqıǵaǵa baılanysty Qaýipsizdik keńesiniń otyrysynda Memleket basshysy Qasym-Jomart Kemeluly Toqaev Ujymdyq Qaýipsizdik týraly Shart uıymyndaǵy áriptesterinen halqymyzdy terrorısterden, uıymdasqan bandylardan qorǵaý maqsatynda kómek surady. Prezıdenttiń bul sheshimi, eń birinshiden, qazaqstandyqtardyń qaýipsizdigi úshin qajet. Osy jolda Memleket basshysynyń elimizdiń tynyshtyǵy men turaqtylyǵy úshin halqymyzdyń qaýipsizdik jolyndaǵy mańyzdy saıası qadamdaryna jan-jaqty qoldaý kórsetýimiz kerek», - dedi depýtat.

Sondaı-aq, ol bul qıyn kezeńdi de Qazaqstan halqy birlikpen eńseretinine senim bildirdi.

«Eldiń basyna kún týǵan zamanda Prezıdentimizdiń osyndaı batyl qadamdary aýadaı qajet. El tutastyǵyn saqtaý maqsatyna búkil halyq judyryqtaı jumylyp, bul qıyndyqty birge jeńemiz dep oılaımyn», - dedi Májilis depýtaty.