Prezıdenttiń daǵdarysqa qarsy bastamalary qalaı iske asyrylýda

NUR-SULTAN. QazAqparat – Búgin Úkimet otyrysynda QR Ulttyq bank tóraǵasy Erbolat Dosaev Prezıdenttiń daǵdarysqa qarsy bastamalary qalaı iske asyrylyp jatqanyn aıtty, dep habarlaıdy QazAqparat tilshisi.

«Ekonomıkany qoldaý úshin Memleket basshysynyń daǵdarysqa qarsy bastamalaryn iske asyrý jalǵasýda. Atap aıtqanda, osy jylǵy 6 mamyrdaǵy jaǵdaı boıynsha «Qarapaıym zattar ekonomıkasy» baǵdarlamasyna ekinshi deńgeıdegi bankterge 1,18 trln teńgege 1 507 ótinim kelip tústi. 785,2 mlrd teńge somasyna 961 joba maquldandy», - dedi Ulttyq bank tóraǵasy.

Erbolat Dosaevtyń aıtýynsha, Kásipkerlik sýbektilerin jeńildikpen kredıtteý baǵdarlamasyna kásipkerler 755,3 mlrd teńge boltyn 3 031 ótinim bergen.

«596,8 mlrd teńgege 2 205 ótinim maquldandy. 837,5 mlrd teńgege 8 272 qaryz, onyń ishinde 265,2 mlrd teńgege 3 606 qaryz buryn berilgen qaryzdardy óteýden túsken aqsha esebinen berildi», - dedi ol.