Prezıdenttiń bastamalary memlekettik bılikke degen senimdi nyǵaıta túsedi - Samal Aıapbergenova

KÓKShETAÝ. QazAqparat – Memleket basshysy Qasym-Jomart Toqaevtyń Joldaýynda aıtylǵan tapsyrmalar «halyq únine qulaq asatyn memleket» qurýǵa jáne sózden is-áreketke kóshýge múmkindik beretin memlekettik apparatty ózgertýge baǵyttalǵan. Aqmola oblysy Bulandy aýdandyq jumyspen qamtý jáne áleýmettik baǵdarlamalar bóliminiń basshysy Samal Aıapbergenova osyndaı pikir bildirdi, dep habarlaıdy QazAqparat tilshisi.

«QR Prezıdenti Qasym-Jomart Toqaevtyń bıylǵy Joldaýy óte mazmundy, onda eldiń erteńine sózsiz oń áser etetin naqtyly mindetter belgilendi. Qazaqstandyqtar osyny kópten kútti, - deıdi S.Aıapbergenova.

Onyń aıtýynsha, Memleket basshysynyń ustanymy jańa Qazaqstannyń negizgi kezeńi bolady. Prezıdent bergen tapsyrmalar «halyq únine qulaq asatyn memleket» qurýǵa jáne sózden is-áreketke kóshýge múmkindik beretin memlekettik apparatty ózgertýge baǵyttalǵan.

«Joldaý qoǵamnyń negizgi aspektilerin qozǵaıdy. Men úshin saıası ózgerister men reformalar blogy asa mańyzdy bolyp tabylady. QR Prezıdentiniń tapsyrmasy boıynsha Memleket basshysynyń kez kelgen saıası partııaǵa músheligin toqtatý, jaqyn týystary men olardyń otbasylarynyń memlekettik saıası laýazymdarǵa ornalasýyna jáne kvazımemlekettik sektor sýbektilerine basshylyq etýine tyıym salý bóliginde tıisti ózgerister engiziletin bolady. Bul bastama sybaılas jemqorlyq táýekelderin azaıtýǵa, sondaı - aq memlekettik bılikke degen senimdi nyǵaıtýǵa múmkindik beredi dep sanaımyn», - dep tolyqtyrdy S.Aıapbergenova.

Ol atap ótkendeı, Memleket basshysy Qasym-Jomart Toqaevtyń áleýmettik ádilettilikke, adaldyqqa, barlyq saladaǵy ashyqtyqqa, formalızmnen alshaqtaýǵa, ádilettilikke, sybaılas jemqorlyqqa qarsy is – qımylǵa, teń múmkindikter qaǵıdasyna, adamı kapıtaldy damytýdy ilgeriletýge jáne taǵy basqalarǵa baǵyttalǵan saıasaty qoǵamda qyzý qoldaý tabatyny sózsiz.