Prezıdenttiń bastamalary árbirimizdiń jaǵdaıymyzdy jaqsartýǵa baǵyttalǵan - pikir

QARAǴANDY. QazAqparat - Qaraǵandy oblysy Osakarov aýdany «Rıabına» etnomádenı birlestiginiń jetekshisi Vladımır Koshevets «Nur Otan» partııasynyń kezekti sezinde Memleket basshysy jarııalaǵan áleýmettik bastamalar jaıly pikir bildirdi, dep habarlaıdy QazAqparat tilshisi.

«Etnomádenı birlestiktiń ókili retinde «Nur Otan» partııasynyń XVIII sezinde Memleket basshysy jarııalaǵan bastamalar áleýmettik saıasatty tabysty túrde alǵa jeteleıtin faktor bolady. Álbette, júıeli jumys áleýmettik emes, ózge de salalardy qamtıtyny anyq», - deıdi etnomádenı birlestiktiń jetekshisi.

Vladımır Koshevetstiń aıtýyna qaraǵanda, búgin halyq Elbasynyń aýzynan taza aýyz sý men gazdandyrý sekildi ıgi isterdi estigenin atap ótti.

«Jyl saıyn sapaly ınfraqurylymnyń ósimine kýá bolyp kelemiz. Tipti alys aımaqtardaǵy joldar jóndelý ústinde. Álbette, bárinen buryn kópbalaly jáne az qamtylǵan otbasylardy qoldaý baǵytyndaǵy Prezıdenttiń bastamalary erekshe qýantqany anyq. Turǵyn úı boıynsha 2-3 paıyzben ǵana qaryz berý - úlken kómek bolary anyq. Kópbalaly otbasylarda árbir balanyń tólemaqysyn 21 myń teńgege deıin arttyrýdyń mańyzy zor. Osynaý bastamalardyń bári de Qazaqstandaǵy árbir otbasynyń, árbirimizdiń jaǵdaıymyzdy jaqsartýǵa baǵyttalǵan», - deıdi Vladımır Koshevets.

Aıta ketsek, búgin elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen «Nur Otan» partııasynyń kezekti XVIII sezi ótti. Jıynda Memleket basshysy halyqty qoldaýǵa arnalǵan birshama áleýmettik bastamalar týraly sóz qozǵaǵan bolatyn.