Prezıdenttiń áleýmettik bastamalary kóptegen muqtaj otbasyǵa kómektesedi - sarapshy

ASTANA. QazAqparat - Aqtóbe jastar resýrstary ortalyǵynyń jetekshisi Jandos Tabylǵanov «Nur Otan» partııasynyń kezekti sezinde Memleket basshysy jarııalǵan áleýmettik bastamalar kóptegen muqtaj otbasylarǵa kómek bolatynyn aıtady, dep habarlaıdy QazAqparat tilshisi.

«Nur Otan» partııasynyń 20 jyldyǵy aıshyqtalǵan búgingi sezde biz, shynynda da, tarıhı sátke kýá boldyq. Memleket basshysy búgingi jıynda eldegi muqtaj azamattardyń barlyǵyna úlken qoldaý bolarlyq jańa áleýmettik saıasatymen tanystyrdy. Otyrysta kópbalaly otbasylardyń, múgedekter men zeınetkerlerdiń járdemaqysyn kóterý bastamasy kóterildi. Sonymen birge, bıýdjet qyzmetkerleriniń aılyǵyn ósirý, turǵyn úımen qamtamasyz etý jáne jastardy ekonomıkalyq tsıfrlandyrýǵa úıretý, sapaly bilim berý baǵyttary da umytylǵan joq», - deıdi Jandos Tabylǵanov.

Ortalyq jetekshisiniń aıtýynsha, áleýmettik bastamalar boıynsha bólinetin qarajat sózsiz, halyqtyń ómirine oń áserin tıgizeri anyq.

«Prezıdent respýblıkalyq bıýdjet shyǵynynyń 45 paıyzy bıyl áleýmettik salaǵa bólinetinin atap ótti. Kópbalaly jáne az qamtylǵan otbasylardyń járdemaqy mólsheriniń artýy shynynda da, qatty qýantady. Al kópbalaly otbasylarda árbir balanyń tólemaqysyn 21 myń teńgege deıin artady. Sondaı-aq, Memleket basshysy ataýly áleýmettik kómek berýde qaǵaz jumystarynyń bárin de qysqartýdy júktedi. Bul óte mańyzdy sharýalar», - deıdi J.Tabylǵanov.