Prezıdenttiń AQSh-qa sapary: 100 myń qazaqstandyq stýdent Coursera kýrstaryna qol jetkizedi
Memleket basshysy Qasym-Jomart Toqaev AQSh-taǵy sapary kezinde Coursera kompanııasynyń basshysy Djeff Madjıonkaldamen kezdesken bolatyn . Kezdesýde memlekettik qyzmetshilerdiń biliktiligin arttyrý, ýnıversıtetterdi akademııalyq qoldaý jáne azamattardy oqytý men qaıta oqytý syndy bilim berý salasynyń máseleleri qarastyrylǵan.
Ǵylym jáne joǵary bilim mınıstrliginiń málimeti boıynsha, aradaǵy kelissózder jemisti aıaqtalsa, Coursera kompanııasynyń bilim berý platformasyna 100 myń qazaqstandyq stýdent qol jetkizbek. Onyń ústine, platformadaǵy bilim mazmuny ishinara qazaq jáne orys tiline aýdarylýy múmkin.
«Bul 100 myń stýdenttiń qalaı irikteletini kelissóz barysynda naqtylanady. Ázirge bıyl 20 myń lıtsenzııa, 2023 jyly 30 myń lıtsenzııa, 2024 jyly 50 myń lıtsenzııa beriletini belgili. Basymdyq óńirlik ýnıversıtetterge jáne turmysy tómen otbasylardan shyqqan stýdentterge beriledi. Degenmen, irikteýdiń naqty tetigi Coursera ókilderimen birge pysyqtalyp jatyr», - deıdi mınıstrliktegiler.