Prezıdenttiń 5 áleýmettik bastamasyna qatysty respýblıkalyq telekópir ótti
Elbasynyń jarııalaǵan 5 áleýmettik bastamasy qoǵamda úlken qoldaýǵa ıe bolyp, qyzý qoldaýǵa ıe boldy. Ár qazaqstandyqtyń ál-aýqatyn jaqsartýǵa baǵyttalǵan Prezıdenttiń úndeýi men halyqtyń osy bastamalarǵa qoldaýy Ulttyq arnanyń arnaıy telekópir ótkizýine arqaý boldy. Telekópirge elimizdiń birqatar óńiriniń basshylyǵy, QR Parlamenti Senatynyń depýtattary Birǵanym Áıtimova, Bekmyrza Elamanov, «Nur Otan» partııasynyń hatshysy Tamara Dúısenova, «Qazaqstan-2050» jalpyulttyq qozǵalysy keńesiniń tóraǵasy Muhtar Mankeev pen «Atameken» QR Ulttyq kásipkerler palatasynyń Basqarma tóraǵasy Abylaı Myrzahmetov, QR Eńbek jáne halyqty áleýmettik qorǵaý vıtse-mınıstri Nurjan Áltaev jáne qoǵam qaıratkerleri qatysyp, óz pikirleri men oılaryn ortaǵa saldy.
«Bes bastama halyqtyń kókeıinde júrgen máselelerdi qozǵady dep esepteımiz. Sebebi, bastamanyń beseýi de halyqtyń turmys-tirshiligin jaqsartýǵa, deńgeıin kóterýge baǵyttalǵan. Bul máseleler depýtattyq saýal retinde de Parlament palatalarynda kóterilip kelgen. Biraq, Elbasy bul bastamalar bar daıyndyqtan, zertteýleri men qarjylyq qamtamasyz etýden ótkizilip, mezgili kelgen kezde aıtylyp otyrǵan másele ekenin aıtyp ótti. Halyq ony jaqsy qabyldap jatyr», - dedi telekópir basynda senator Bekmyrza Elamanov.
«Nur Otan» partııasynyń atynan sóz sóılegen bas partııanyń hatshysy Tamara Dúısenova Elbasynyń jyldaǵy joldaýlarynda áleýmettik másele basty maqsattardyń biri bolǵanyn atap kórsetti.
«Bıylǵy bes áleýmettik bastama sol joldaýlarda kórsetilgen baǵyttardyń jalǵasy dep aıtýǵa bolady. Sondyqtan, qazir bizdiń 1 mıllıonnan astam «Nur Otan» partııasynyń negizgi músheleriniń barlyǵy bul bastamalardy tolyq qoldaıtynyn jetkizip jatyr», - dedi ol.
Al Parlament Májilisiniń depýtaty Omarhan Óksikbaevtyń paıymdaýynsha, eń bastysy, Elbasy jastarǵa degen kóńildiń mańyzdy ekendigin alǵa tartqan. Jastarǵa degen qamqorlyǵyn kórsetken.
«Bizdiń jastarǵa múmkinshilikterdiń arttyrý joldaryn qarastyryp otyr. Óıtkeni olardyń kóbisiniń, jasyratyny joq grantqa qoljetimdiligi tapshy bolyp otyr. Sondyqtan bul úlken qamqor, bul jastarymyzdyń bolashaǵyna úlken úmit artatyn Elbasynyń saıasaty», - dedi májilismen.
Bes bastamada halyqtyń áleýmettik máselelerine basa den qoıylǵany belgili. Osy turǵyda sóz sóılegen QR Eńbek jáne halyqty áleýmettik qorǵaý vıtse-mınıstri Nurjan Áltaev aýylda turyp jatqan azamattar, ásirese jumyssyz júrgender nemese ózin-ózi jumyspen qamtyp júrgen azamattar óz tabys kózin tapqysy keletinin aıtady.
«Sondyqtan osy baǵdarlamamen beriletin nesıe jeńildetilgen, óıtkeni 6% paıyzben beriledi. Eshqandaı ekinshi deńgeıdegi bankter nemese qarjylyq uıymdar bundaı az paıyzben nesıe berip jatqan joq. Bul baǵdarlama aýyldaǵy adamdarǵa óte úlken kómek», - dedi ol.
Prezıdenttiń bes bastamasyna jastar qalaı qaraıdy? Bul suraqqa telekópir barysynda «Qazaqstan 2050» jalpyulttyq qozǵalysy keńesiniń tóraǵasy Muhtar Mankeev jaýap berip, al óz kezeginde «Atameken» UKP basqarma tóraǵasy Abylaı Myrzahmetov osy jobanyń kásipkerler men kásipkerlikti damytýǵa yqpaly týraly sóz qozǵady.
Telekópir barysynda el aımaqtarymen tikeleı baılanys ornatylyp, óńir basshylarynyń da pikiri tyńdaldy.