Prezıdenttikke úmitkerler sany 21 adamǵa jetti

ASTANA. QazAqparat - Búgin QR Ortalyq saılaý komıssııasyna kezekten tys prezıdenttik saılaýǵa úmitker retinde 4 adam tirkeldi. Búgingi kúni úmitkerler sany 21 adamǵa jetti, dep málim etti OSK Tóraǵasynyń orynbasary Vladımır Foss.

Onyń atap ótýinshe, úmitkerlerdiń 18-i saılaýǵa ózin-ózi, eki úmitkerdi, atap aıtqanda, N.Nazarbaevty «Nur Otan» partııasy, al T.Syzdyqovty Qazaqstannyń kommýnıstik halyq partııasy usynǵan. Qazirgi ýaqytta olardyń saılaý talaptaryna sáıkestigi tekserilip, keıbiri lıngıstıkalyq komıssııaǵa synaq tapsyrý ústinde.«8 úmitkerdi tirkeýden bas tartyldy. Olardyń 2-eýiniń jasy Konstıtýtsııaǵa sáıkes saılaýǵa túsý jasyna tolmaǵan. 6-aýy lıngvıstıkalyq komıssııa synaǵyn tapsyra almady. 4 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaý jumysymen aınalysýda», - dedi V.Foss. Onyń atap ótýinshe, búgin M.Telebekov, Á.Qusaıynov, S.Muqash jáne Asylbek Amantaı Ortalyq saılaý komıssııasyna kelip, prezıdenttikke úmitker retinde tirkelgen.