Prezıdenttikke úmitker Jambyl Ahmetbekov jerlesterimen júzdesti
Kezdesýge partııa ókilderi Jambyl Ahmetbekovtyń fotosýreti jáne partııanyń jalaýy beınelengen avtokóliktermen attandy.
Jambyl Ahmetbekov K.Kúmisbekov atyndaǵy aýdandyq mádenıet úıinde bolyp, «Qorǵaljyn» qoryǵynyń qyzmetkerlerimen jáne aýyl turǵyndarymen kezdesti. Jıynda Jambyl Ahmetbekov saılaýaldy tuǵyrnamanyń negizgi basymdyǵy - eńbek adamdarynyń múddesin qorǵaý ekendigin atap ótti. Sonymen qatar ol QKHP ekonomıkanyń strategııalyq salalary men elimizdiń tabıǵı baılyǵyn tek qana Qazaqstan azamattarynyń ıgiligi úshin paıdalanýdy qoldaıtyndyǵyna erekshe nazar aýdartty. Sondaı-aq qatysýshylar aýyl kooperatsııasy men aýyl sharýashylyǵy óndirýshilerin qoldaý máselesin talqylady.
Kandıdat «Halyq kommýnısteri» fraktsııasynyń qazaqstandyqtar úshin ózekti bolyp tabylatyn kóptegen baǵyt boıynsha atqaratyn qyzmeti jaıly aıtyp berdi.
«Qazirgi tańda kedeılik jumyssyzdyqpen emes, tómen tabysqa baılanysty bolyp tur. Kedeıshilik shegi sııaqty mańyzdy kórsetkish boıynsha shuǵyl shara qoldaný qajet», - dep atap ótti kandıdat.
Onyń sózinshe, eldegi kedeıshiliktiń shynaıy deńgeıin qaıta sanaý kerek jáne bul qubylysty ózekti áleýmettik másele dep taný qajet.
«Biz otandyq taýarǵa, ásirese AÓK ónimderine tutynýshylyq suranysty yntalandyrý baǵdarlamasymen birge kedeılikpen kúresý baǵdarlamasyn qabyldaýdy, ony iske asyrýdy birneshe ret usyndyq jáne onyń júzege asyrylýy úshin jumys isteımiz. Bul mindetti túrde ekonomıkanyń shynaıy sektory men aýyldaǵy kooperatsııanyń damýyna mýltıplıkatıvti áser etetin bolady», - dep málimdedi Jambyl Ahmetbekov.
Kezdesý barysynda aımaq turǵyndary azyq-túlik pen dári-dármek baǵasynyń qymbattaýy sııaqty áleýmettik mańyzy bar máselelerge qatysty suraqtar qoıdy.
Sonymen qatar tómen zeınetaqy, járdemaqy men jalaqyǵa qatysty shaǵymdaryn jetkizdi. Medıtsınalyq qyzmet pen bilim berý sapasyn arttyrý qajettiligin atap ótti.
Keıin partııa ókilderi Shalqar aýylyna attanyp, aýyl aqsaqaldarymen kezdesti. Kezdesý barysynda aýyl qarııalary úmitkerge bata berip, aq jol tiledi.
J.Ahmetbekov óz kezeginde Qazaqstannyń kóptegen saılaýshylary Qazaqstan Kommýnıstik Halyq partııasynyń ekonomıkaǵa, áleýmettik-saıası ómirge qatysty ustanymyn qoldaıtynyn jetkizdi. Ol árbir azamatty Qazaqstan Respýblıkasynyń Prezıdenttik saılaýyna qatysýǵa shaqyrdy.
Foto: knpk.kz