Prezıdenttikke úmitker Jambyl Ahmetbekov memlekettik til synaǵyn tapsyrdy

NUR-SULTAN. QazAqparat - QR Prezıdenttigine kandıdattyń memlekettik tildi meńgerý deńgeıin anyqtaıtyn lıngvıstıkalyq komıssııa múshesi Ǵarıfolla Esim atalmysh laýazymǵa úmitker Jambyl Ahmetbekovtyń emtıhan nátıjesin jarııalady, dep habarlaıdy QazAqparat tilshisi.

2019 jyldyń 26 sáýirinde «Qazaqstan Respýblıkasyndaǵy saılaý týraly» QR Konstıtýtsııalyq zańynyń 55-babyna sáıkes, Jambyl Ahmetbekov Qazaqstannyń kommýnıstik halyqtyq partııasy atynan OSK-ǵa qujat tapsyrǵan bolatyn.

«Lıngvıstıkalyq komıssııanyń kezekti otyrysynda QR Prezıdenttigine úmitker Jambyl Áýjanuly Ahmetbekovtyń memlekettik tildi meńgerý deńgeıi tekserildi. Alǵashqy jazbasha jumysta úmitker «Rýhanı jańǵyrý» taqyrybyn tańdap aldy. Bul kezeńde ol memlekettik tildi jazbasha turǵyda erkin meńgergenin kórsetti. Ekinshi tapsyrmada kandıdat Іlııas Esenberlınniń «Qahar» romanynan úzindi oqydy. ıAǵnı, oqý jóninen de memlekettik tildi meńgergeni belgili boldy. Úshinshi tapsyrmada «El birligi - eldiktiń arqaýy» taqyrybynda sóz sóıledi», - dep atap ótti lıngvıstıkalyq komıssııa múshesi OSK-da ótken brıfıngte.

Sonymen birge, Ǵ. Esim synaq qorytyndysy boıynsha lıngvıstıkalyq komıssııa sheshimin jarııalady.

«Úmitker berilgen ýaqytty tolyq paıdalandy. Reglamentti saqtady. Tártip buzý tirkelgen joq. Emtıhan qorytyndysy boıynsha lıngvıstıkalyq komıssııa Jambyl Áýjanuly Ahmetbekovtyń memlekettik tildi erkin meńgergeni týraly sheshim qabyldady», - dedi Ǵ. Esim.

Jambyl Áýjanuly Ahmetbekov - Parlament Májilisindegi Áleýmettik-mádenı damý komıtetiniń múshesi. 1961 jyly Tselınograd oblysy, Qorǵaljyn aýdany, Janteke selosynda týǵan. Tselınograd aýylsharýashylyǵy ınstıtýtyn bitirgen. Eńbek jolyn 1983 jyly Qorǵaljyn keńsharynda mehanık bolyp bastaǵan.

Eske sala ketsek, osyǵan deıin 2011 jylǵy saılaýda da Ortalyq saılaý komıssııasy Qazaqstan Kommýnıstik Halyqtyq partııasynyń hatshysy Jambyl Ahmetbekovti QR Prezıdenttigine kandıdat etip tirkegen bolatyn.