Prezıdenttikke úmitker retinde taǵy 1 áıel tirkeldi - V.Foos

ASTANA. QazAqparat - QR Prezıdenttigine úmitker retinde taǵy bir áıel tirkeldi, ol Aıgúl Ótepova, dep málim etti OSK tóraǵasynyń orynbasary Vladımır Foss.

«Prezıdenttikke usynylǵandardyń arasynda 2 áıel bar. Lımana Qoıshıeva qol qoıý paraqtaryn aldy. Ekinshisi ýaqytsha jumyssyz shymkenttik Aıgúl Ótepova», - dedi V.Foos.

Onyń aıtýynsha, A.Ótepova aldaǵy ýaqytta QR Prezıdenttigine úmitkerlerdiń memlekettik tildi erkin meńgergendigin anyqtaý jónindegi lıngvıstıkalyq komıssııaǵa synaq tapsyrady.

Aıta keteıik, 6 naýryzda Qazaqstan Respýblıkasy Ortalyq saılaý komıssııasynda Qazaqstan Respýblıkasynyń Prezıdenttigine úmitker Lımana Qoıshıeva memlekettik tildi erkin meńgergendigin anyqtaý jónindegi lıngvıstıkalyq komıssııaǵa synaq tapsyrǵan edi. Komıssııa ashyq daýys berý arqyly kópshilik daýyspen Qazaqstan Respýblıkasynyń Prezıdenttigine úmitker Lımana Qoıshıevanyń memlekettik tildi erkin meńgergeni týraly sheshim qabyldaǵan-dy.

Jalpy, búgingi kúni prezıdenttikke úmitker sany 21 adamǵa jetti. Onyń segizi naqty sebeptermen tirkelgen joq.