Prezıdenttikke kandıdattar tóleıtin 3 mln teńge jarna qaıtaryla ma

ASTANA. QazAqparat – QR Prezıdenti saılaýyna qatysatyn kandıdat 3 mln teńge jarna tóleıdi. Osy oraıda jarna qandaı jaǵdaıda ıesine qaıtarylady. Bul saýalǵa Ortalyq saılaý komıssııasynyń múshesi Sabıla Mustafına jaýap berdi, dep habarlaıdy QazAqparat tilshisi.

«QR Saılaý týraly Konstıtýtsııalyq zańyna sáıkes Prezıdenttikke kandıdattar Ortalyq saılaý komıssııasynyń shotyna jarna aýdarýy tıis. Jarnanyń mólsheri zań boıynsha belgilengen eń tómengi jalaqy esebimen 50 AEK kóleminde. Eger kandıdat saılaýdyń qorytyndysy boıynsha QR Prezıdenti bolyp saılansa nemese kandıdat saılaýda keminde 5 paıyz daýys jınasa, sondaı-aq kandıdat qaıtys bolǵan jaǵdaıda jarna keri qaıtarylady», - dedi Ortalyq saılaý komıssııasynyń múshesi Sabıla Mustafına.

Onyń aıtýynsha, basqa jaǵdaıda jarna respýblıkalyq bıýdjetke jiberiledi.

Aıta ketsek, buǵan deıin Prezıdenttikke kandıdattar 3 mln teńge jarna tóleıtini týraly habarlaǵan edik. ıAǵnı kandıdat ótinishpen qatar saılaý jarnasyn tólegenin rastaıtyn túbirtekti ótkizýi tıis.

Eske salsaq, búgin Prezıdent saılaýyna kandıdattardy usyný bastaldy.