Prezıdenttikke kandıdat retinde tirkelgen Qasym-Jomart Toqaev ókilettigin toqtata ma
«Qasym-Jomart Toqaevtyń prezıdenttik ókilettigin toqtatýyna qatysty aıtar bolsam, zańda mundaı talap joq. Demek, Qasym-Jomart Toqaev elimizdiń zańnamasyna sáıkes Qazaqstannyń Prezıdenti qyzmetin tolyqtaı atqara beredi. Eger ol úgit-nasıhat sharalaryna qatysatyn bolsa, onda mundaı áreketterdiń barlyǵy zańǵa sáıkes qatań júzege asyrylýy tıis. ıAǵnı, úgit-nasıhat júrgiziletin oryn zańdy túrde rásimdelýi qajet. Qoǵamdyq shtab pen shara ótetin oryndy usynatyn zańdy tulǵa arasynda kelisimshart bolýy kerek. Tólem jasalýy tıis», - dedi Máýlen Áshimbaev.
Sonymen qatar ol prezıdenttikke kandıdat Qasym-Jomart Kemelulyn qoldaǵan 315 myń qol jınalǵanyn jetkizdi.
«Bul qoldar Qazaqstannyń barlyq oblystarynan, óńirlerden jınaldy. Bul jumysqa Qasym-Jomart Kemelulynyń senimdi ókilderi qatysty. Birneshe myń senimdi ókil tirkelip, osy jumystyń basy-aıaǵynda júrdi. Sondyqtan bul qoldardy bir-eki oblysta emes búkil el óńirlerinen jınaldy dep aıtýǵa tolyq negiz bar. Osy rette nege munan da kóp emes degen suraqqa keler bolsaq, kandıdatymyz bizdiń aldymyzǵa ondaı maqsat qoımady. Ondaı maqsattyń keregi de joq shyǵar. Jalpy, bul jerde negizgi másele zańda kórsetilgen talaptan birneshe ese qol jınaldy. Ol tirkeýge jetkilikti. Ekinshiden osynshama azamattyń qol qoıýynan bizdiń kandıdatymyzdyń saılaýǵa qatysýyn halyq qoldap otyr dep te qorytyndy jasaı alamyz», - dedi ol.