Prezıdenttik jastar kadrlyq rezervteriniń úzdik ıdeıalary tyńdaldy

NUR-SULTAN. QazAqparat – Prezıdenttik jastar kadrlyq rezervteriniń forýmynda el ekonomıkasyn ilgeriletetin úzdik ıdeıalar ortaǵa salyndy, dep habarlaıdy QazAqparat tilshisi.

«Búginde Prezıdenttik jastar kadrlyq rezervi qaýymdastyqqa aınalyp úlgerdi. Endigi maqsat – osy qaýymdastyqta aıtylǵan, usynylǵan ıdeıalardy júzege asyrý. Búginde forýmda jastar óz jobalaryn usynyp qana qoımaı, ony júzege asyrýdyń joldaryn ashyp kórsetýde. Forýmda usynylatyn jobalar memlekettiń, atap aıtqanda halyqtyń jaǵdaıyn jaqsartýǵa baǵyttalǵan. Sonymen qatar, óz oıyn aıtyp, ıdeıasyn júzege asyrǵysy keletin basqa jas mamandar úshin úlgi bolyp tabylmaq», - dedi Prezıdenttik jastar kadrlyq rezerviniń múshesi, forým uıymdastyrýshysy Aleksandr Danılov.

Prezıdenttik jastar kadrlyq rezerviniń forýmyna elimizdiń ár óńirinen kelgen 100-ge jýyq adam qatysyp jatyr. Jáne ol 4 baǵyttan turady.

«Búgingi jıynda memlekettik basqarýdy jetildirý, adam kapıtaly, ýrbanıstıka jáne qalalardy damytý, sol sekildi ınnovatsııa men jańa tehnologııalar taqyryby talqylanýda», - deıdi ol.

Aıta ketsek, forýmǵa Prezıdent Ákimshiliginiń ókilderi, memlekettik jas qyzmetshiler men Prezıdenttik jastar kadrlyq rezerviniń músheleri qatysýda.