Prezıdenttik jastar kadr rezerviniń músheleri iri bıznes ókilderimen kezdesti
Rezerv músheleri qoǵamdaǵy ózekti máselelerdi talqylaý úshin memlekettik organdardyń, úkimettik emes uıymdardyń ókilderimen turaqty kezdesýler ótkizip keledi.
Qyzmeti eldiń ekonomıkalyq ósimin arttyrýǵa jáne eldegi bıznes-ahýaldy jaqsartýǵa baǵyttalǵan jeke sektor ókilderi de olardyń nazarynda.
Bul jolǵy ashyq dıalogqa spıker retinde «Bazis-A1 korporatsııasy dırektorlar keńesiniń negizin qalaýshy jáne tóraǵasy A.Belovıch, KustoGroup kompanııasy dırektorlar keńesiniń enshiles ıesi jáne tóraǵasy E.Tátishev, Freedom Holding Corp kompanııasynyń bas atqarýshy dırektory, dırektorlar keńesiniń tóraǵasy Tımýr Týrlov shaqyryldy.
«Mundaı kezdesýler bizde jıi ótip turady. Biraq negizinen memlekettik organdardyń birinshi basshylary shaqyrylatyn. Bul joly formatyn sál ózgertip, bıznes qaýymdastyq ókilderimen kezdesýdi jón dep taptyq. Óıtkeni bıznestiń el ekonomıkasyndaǵy róli joǵary. Memleket basshysy bizdi ózgeris agentteri retinde memlekettik qyzmeshilerdiń qataryna qosylýǵa shaqyra otyryp, memlekettik mashınanyń tıimdiligin arttyrýǵa kómektsý kerektigin aıtqan bolatyn. Bul jolda bıznestiń únine de qulaq asý kerek. Óıtkeni eldegi bıznes protsesterdi ózgertý úshin olardyń paıymyn eskermeı bolmaıdy. Buǵan deıin de aıtqanymdaı, kóbimiz memlekettik qyzmette júrmiz. Biraq tutas jaǵdaıdy túsiný úshin estı bilý kerek. Muny Memleket basshysy «Estıtin memleket» tujyrymdamasyn usynǵan kezde de aıtty. Biz sheshimder qabyldap, bastamalar kótergende óz oıymyzǵa súıenip qoımaı, bıznespen praktıkalyq qajettilikterin de negizge alýǵa tyrysamyz. Búgingi kezdesý osy turǵydan paıdaly boldy dep esepteımin», - deıdi kadr rezerviniń múshesi, QR Eńbek jáne halyqty áleýmettik qorǵaý mınıstriniń shtattan tys keńesshisi Ádilet Zákıev.
Kezdesý barysynda qazaqstandyq iri bıznes-kompanııalardyń negizin qalaýshylar ózderiniń jumys tájirıbesin bólisti.
Bıznesti uıymdastyrýda qoldanylatyn ınnovatsııalyq sheshimder týraly aıtyp, bıznes salasyndaǵy qazirgi ahýalǵa baılanysty keńes berdi.
Atap aıtqanda, A.Belovıch 30 jyldyq tarıhy bar holdıngti basqarý kezinde jolyqqan qıyndyqtar men erekshelikter týraly, kompanııalardyń tsıkldik damýy týraly baıandady.
Kásipkerdiń aıtýynsha, uıymnyń da, eldiń de damýynyń tiregi – myqty kadrlar.
Kezdesýge qatysýshylardyń aıtýynsha, ashyq dıalog Prezıdenttik jastar kadr rezerviniń múshelerine paıdaly boldy.
Olar bıznesti júrgizýdiń ózekti máseleleri jáne onyń memlekettik qyzmetke tıimdi tetikterin engizý joldary týraly tereńirek bildi.
Shaqyrylǵan qonaqtar da rezerv músheleriniń áleýetin baǵalaýǵa múmkindik aldy.
Jastardyń arasynan áleýetti bıznes-seriktesterdi baıqap, «ózgerister agentteriniń» bıznes-protsesterge, onyń ishinde memlekettik qyzmette de jańashyl tásilderdi engize alatyn býyn ekenine kóz jetkizdi.
Pikirtalas klýbynyń qonaqtary Prezıdenttik jastar kadr rezerviniń jobasymen de, onyń jekelegen ókilderimen de jaqsy tanys ekenderin, rezerv múshelerine eldiń damýyna eleýli úles qosý mindeti júktelip otyrǵanyn atady.
Іri holdıng basshylary el damýyna úles qosý úshin Prezıdent jastar kadr rezerviniń múshelerimen tájirıbe almasýǵa daıyn ekenin bildirdi.
Eki tarap osy kezdesý qorytyndysy boıynsha memlekettik jáne kvazımemlekettik organdarǵa qazaqstandyq iri holdıngterdiń oń tájirıbesin paıdalaný úshin usynystar daıyndap, engizýdi josparlap otyr.