Prezıdenttik jastar kadr rezervi: «Testileýdi verıfıkatsııalaý» kezeńi qalaı ótti

NUR-SULTAN. QazAqparat - Prezıdenttik jastar kadr rezervine úmitkerlerdiń qabiletin tekseretin «Testileýdi verıfıkatsııalaý» kezeńi aıaqtaldy, dep habarlaıdy QazAqparat Memlekettik qyzmet isteri agenttiginiń baspasóz qyzmetine silteme jasap.

Testileý verıfıkatsııasyna qabiletti testileý qorytyndysy boıynsha eń joǵary ball jınaǵan 902 qatysýshy jiberildi.

Bul kezeńde verbaldy jáne sandyq testilerdiń árqaısysy 15 tapsyrmadan turdy. Úmitkerler testileýdi onlaın-platformada ótti.

Іrikteýge qatysýǵa el jastarymen qatar, shetelde júrgen Qazaqstan Respýblıkasynyń azamattary jiberildi. Saǵattyq beldeýdegi aıyrmashylyqty eskere otyryp, sondaı-aq barlyq irikteýge qatysýshylardyń qolaılyǵy úshin testilerdi demalys kúnderi tapsyrý jáne ol úshin óz betinshe eń qolaıly ýaqyt aralyǵyn belgilýge múmkindik berildi.

Testileýden ótý kezinde qatysýshylar belgili bir shekteýlerdi saqtaý boıynsha ózine mindetteme alady, olardyń ishinde:

- úmitkerdiń ózge adamdardy qatystyrmaı, tapsyrmalardy óz betinshe oryndaýy;

- dybys jáne keskin sapaly bolýy, úmitkerdiń tike qarap otyrýyn qamtamasyz etýi;

- bógde adamdarmen qandaı da bir sóılesýge tyıym salynýy;

- veb-kamerany jabýǵa nemese óshirýge jáne mıkrofondy óshirýge tyıym salynýy;

- testileý kezinde ózge baǵdarlamalyq ónimderdi, sonyń ishinde messendjerlerdi (whatsapp, telegram jáne t. b.) paıdalanýǵa tyıym salynýy;

- tek standartty kalkýlıatordy paıdalaný jáne basqa da birqatar sharttar bar.

Qatysýshylarǵa ornynan turýǵa, sonyń ishinde bógde adamdardan qandaı da bir zattardy alýǵa nemese berýge tyıym salyndy.

Úmitkerlerdiń testileýden ótýiniń beıne jáne aýdıo fıksatsııasy asa mańyzdy shart boldy, óıtkeni kezeń aldyńǵy qashyqtyqtan qabilettilikti testileýden ótýdiń adaldyǵyn qaıta tekserýdi kózdeıdi. Ol úshin 50 bilikti maman qatysýshylardyń vıdeolaryn birneshe ret tekserdi, qatysýshylar tarapynan buzýshylyqtar anyqtalǵan kezde akt toltyrý kózdelgen. Aktiler negizinde tártip buzýshylar shettetiledi.

Verıfıkatsııa nátıjeleri boıynsha 22 qazan - 3 qarasha aralyǵynda ótetin kelesi «Áleýetti baǵalaý» kezeńine ótý múmkindigi shekteýli ýaqyt jaǵdaıynda sandyq jáne mátindik materıaldardy taldaý qabiletin anyqtaýǵa arnalǵan testiler qorytyndysy boıynsha eń jaqsy ball jınaǵan qatysýshylarǵa usynylady.

«Áleýetti baǵalaý» kezeńi 3 quramdas bólikten turady: esse jazý, jobany usyný, quzyretterdi baǵalaý. Esse jazý jáne jobalardy tanystyrý vıdeo jáne aýdıo tirkeýdiń kómegimen pkrezerv.kz avtomattandyrylǵan júıesinde onlaın júzege asyrylady.

Esterińizge sala keteıik, irikteýge qatysý úshin tirkeý rásiminen 13212 adam ótti, onyń ishinde qyrkúıek aıynyń sońyna deıin 7312 úmitker tirkeý rásimin tolyq aıaqtady.

«Qabiletterdi testileýge» 5745 úmitker qatysty, testileýdi verıfıkatsııalaýǵa 902 úmitker jiberildi.

Qatysýshylardyń basym bóligi elordadan – 1379 adam, Almaty jáne Shymkent qalalarynan tıisinshe 493 jáne 380-den, Aqtóbe oblysynan - 289 adam. Basqa óńirlerden 100-200 qatysýshy. Shetelderden qatysýshylar arasynda Reseı, AQSh, Ulybrıtanııa, Frantsııa, Sıngapýr, BAÁ jáne Túrkııadan qazaqstandyqtar bar.

Prezıdenttik jastar kadr rezervine ótkender saıası jáne joǵary ákimshilik laýazymdarǵa, ulttyq holdıngtar men kompanııalardyń joǵary basqarýshy laýazymdaryna taǵaıyndalýǵa múmkindik alady.