Prezıdenttik saılaýǵa qatysýdan bas tartýyma Internettegi pikirler áser etti - Talǵat Erǵalıev

NUR-SULTAN. QazAqparat - «Qazaqstan Qurylysshylar odaǵy» respýblıkalyq zańdy tulǵalar birlestigi atynan 9 maýsymda ótetin kezekten tys prezıdenttik saılaýǵa kandıdat retinde usynylǵan Talǵat Erǵalıev saıası dodaǵa qatysýdan bas tartty, dep habarlaıdy QazAqparat tilshisi.

"Ómirlik tájirıbem men óndiristik bilimim jetkilikti, qurylys salasynda oryn alyp otyrǵan problemalardy, olardy sheshý joldaryn da jetik bilemin dep esepteımin. Internettegi pikirlerdi qarap otyryp, adamdar meni áli de jetik tanymaıtyndyǵyna kóz jetkizdim. Demek, el úshin, adamdar úshin áli de jaqsy dúnıelerdi jasaý kerek. ıAǵnı, adamdarǵa qurmet kórsete bilý kerek. Osy kúnderdiń ishinde sony jete túsindim. Qurylysshylar odaǵyndaǵy áriptesterimmen jan-jaqty keńestik. Búgingi kúni barlyq kúsh-jigerdi, energııany bir kandıdatymyz Danııa Espaevaǵa qoldaýǵa jumsaý qajet degen ortaq sheshimge keldik", - dedi ol Ortalyq saılaý komıssııasynda BAQ ókilderine bergen suhbatynda.

Esterińizge sala ketsek, Qazaqstannyń qurylysshylar odaǵy QR Prezıdenttigine Talǵat Erǵalıevti usynyp, ol qujattar toptamasyn Ortalyq saılaý komıssııasyn tapsyrǵan bolatyn.