Prezıdenttik saılaý ótti dep tanyldy – Ózbekstan OSK

TAShKENT.QazAqparat - Ózbekstanda saǵat 11.00-degi jaǵdaı boıynsha kezekten tys prezıdent saılaýyna saılaýshylardyń 33%-dan astamy qatysty, soǵan baılanysty saılaý ótti dep tanyldy.

Bul týraly Tashkentte ótken brıfıngte Ózbekstan Respýblıkasy Ortalyq saılaý komıssııasy tóraǵasynyń orynbasary Bahrom Kýchkarov aıtty, dep habarlaıdy QazAqparat tilshisi.

«Saılaý kodeksine sáıkes, saılaýǵa saılaýshylardyń keminde 33 %-y qatyssa, saılaý ótti dep esepteledi. Saılaýshylardyń qatysýyn anyqtaıtyn elektrondy júıeniń málimetinshe, tańǵy saǵat 11.00-ge deıin saılaý ýchaskelerine 6 463 874 saılaýshy nemese jalpy tizimniń 33,54 paıyzy kelgen. Saılaý ótti deýge negiz bar», - dedi B.Kýchkarov.

Buǵan deıin habarlaǵanymyzdaı, búgin Ózbekstanda kezekten tys prezıdent saılaýy ótip jatyr. Saılaýǵa tórt úmitker qatysýda, onyń ishinde qazirgi prezıdent Shavkat Mırzıeev te bar. Saılaýda jeńiske jetý úshin kandıdat 50 paıyzdan astam daýys jınaýy kerek.

Bul Ózbekstannyń jańa Konstıtýtsııasy kúshine engennen keıingi alǵashqy saılaý. Endi prezıdenttik merzim bes jyldan jeti jylǵa deıin uzartyldy.

Foto: saylov.uz