Prezıdenttik qoldaý: Jambyl oblysynda kommýnaldyq qyzmetter tarıfi tómendedi

TARAZ. QazAqparat – Jambyl oblysynda tótenshe jaǵdaılar kezinde kommýnaldyq qyzmetterge tarıfter tómendetildi, - dep habarlaıdy QazAqparat oblys ákimdiginiń resmı saıtyna silteme jasap.

Memleket basshysy Qasym-Jomart Toqaev aǵymdaǵy jyldyń 23 naýryzynda koronavırýs indetine jáne daǵdarysqa qarsy sharalardyń jaǵdaıy týraly jınalysynda bergen tapsyrmasyn oryndaý maqsatynda, Jambyl oblysynda aǵymdaǵy jyldyń 1 sáýirinen bastap, tótenshe jaǵdaıdyń qoldanylý kezeńine halyq úshin kelesi kommýnaldyq qyzmetterdiń tarıfteri tómendetilgen. Bul týraly oblys ákiminiń baspasóz qyzmeti habarlady.

«Qordaı aýdanynyń turǵyndary úshin «Qordaı-Sý» KMK-y sýmen jabdyqtaý qyzmetine tarıfti 1m3 úshin 57,23 teńgeden 54,36 teńgege deıin qosymsha qun salyǵynsyz (QQS) nemese 5%-ǵa tómendetti. Al, Taraz qalasy turǵyndary úshin «Tarazenergoortalyq» AQ-y jylýmen jabdyqtaý qyzmetine esepteý aspaptary joq turǵyndar úshin tarıf 1Gkal úshin 3258,49 teńgeden 3103,32 teńgege deıin QQS-syz nemese 5%-ǵa tómendetildi, esepteý aspaptary barlarǵa 1 Gkal úshin 1497,34 teńgeden 1426,03 teńgege deıin QQS-syz nemese 5%-ǵa tómendedi»,-delingen baspasóz qyzmetiniń habarlamasynda.

Sondaı-aq, tómendegi kórsetkishter boıynsha da oblys aýdandary men qalalarynda birqatar tarıfterdiń tómendegenin bilýge bolady:

- Shý aýdanynyń turǵyndary úshin «Shý-Jylý» KMK-y jylýmen jabdyqtaý qyzmetine esepteý aspaptary joq turǵyndarǵa tarıf 1 Gkal úshin 2672,15 teńgeden 2429,22 teńgege deıin QQS-syz nemese 10%-ǵa tómendetti, esepteý aspaptary bar 1 Gkal úshin 1923,64 teńgeden 1748,76 teńgege deıin QQS-syz nemese 10%-ǵa tómendetti;

- Taraz qalasy turǵyndary úshin «Jambyl-Jylý» KMK-y jylýmen jabdyqtaý qyzmetine esepteý aspaptary joq turǵyndarǵa tarıf 1 Gkal úshin 3422,88 teńgeden 3259,88 teńgege deıin QQS-syz nemese 5%-ǵa tómendetti, esepteý aspaptary bar 1 Gkal úshin 2701,24 teńgeden 2572,61 teńgege deıin QQS-syz nemese 5%-ǵa tómendetti;

-Shý aýdanynyń turǵyndary úshin «Temirjolsý-Shý» JShS-y sýmen jabdyqtaý qyzmetine tarıf 1 m3 úshin 25,36 teńgeden 24,15 teńgege deıin QQS-syz nemese 5%-ǵa tómendetti, sý burý qyzmetine tarıf QQS-syz 1 m3 úshin 18,61 teńgeden 17,72 teńgege deıin nemese 5% tómendedi, Taraz qalasynyń turǵyndary úshin sarqyndy sýdy burý qyzmetine 1 m3 úshin 5,25 teńgeden 5 teńgege deıin QQS-syz nemese 5%-ǵa tómendetti;

- Qarataý qalasy turǵyndary úshin «IGІLІK» MKK-y jylýmen jabdyqtaý qyzmetine esepteý aspaptary joq turǵyndarǵa tarıf 1 Gkal úshin 2030,38 teńgeden 1933,69 teńgege deıin QQS-syz nemese 5%-ǵa tómendetti, esepteý aspaptary bar 1 Gkal úshin 1695,94 teńgeden 1615,18 teńgege deıin QQS-syz nemese 5%-ǵa tómendetti, sýmen jabdyqtaý qyzmetine esepteý aspaptary joq turǵyndarǵa tarıf 1 Gkal úshin 1695,94 teńgeden 1615,18 teńgege QQS-syz nemese 5%-ǵa tómendetti, esepteý aspaptary bar 1 Gkal úshin 15,13 teńgeden 14,41 teńgege deıin QQS-syz nemese 5%-ǵa tómendetti;

- Jańatas qalasy turǵyndary úshin «Jańatas-Sý-Jylý» KMK-y esepteý aspapsyz jylýmen jabdyqtaý 1 Gkal 2252,77 teńgeden 2140,1 teńgege deıin QQS-syz nemese 5%-ǵa tómendetti, esepteý aspaptary bar 1 Gkal úshin 1068,58 teńgeden 1015,2 teńgege deıin QQS-syz nemese 5%-ǵa tómendetti, sýmen jabdyqtaý qyzmetine 1 m3 úshin 41,75 teńgeden 39,67 teńgege deıin QQS-syz nemese 5%-ǵa tómendetti, sarqyndy sýdy burý qyzmetine 1 m3 úshin 59,09 teńgeden 56,13 teńgege QQS-syz nemese 5%-ǵa tómendetti.

Eske sala ketsek, memleket bıligi naýryzdyń basynda karantın engizdi. Shekteý sharalary 4 sáýirde alynady dep josparlanǵan bolatyn, alaıda, karantın sharalary áli de jalǵasýda.