Prezıdenttik qoldaý: Batys Qazaqstan oblysynda 133 myń adamǵa 42 500 teńgeden berildi
Oblys ákimi Ǵalı Esqalıevtiń aıtýynsha, Memleket basshysynyń tapsyrmasyna sáıkes tótenshe jaǵdaı kezinde óńirde tabysyn joǵaltqan osynshama adam áleýmettik kómek aldy.
Bul – oblys turǵyndarynyń 22 paıyzy.
«Eger tótenshe jaǵdaı aldaǵy mamyr aıynda da jalǵasatyn bolsa, sol adamdarǵa atalmysh áleýmettik kómek tólenedi. Ol úshin qaıtadan ótinim berýdiń qajeti joq, jumys avtomatty túrde jasalady», dedi óńir basshysy.
Oblys ákimi sonymen qatar «Biz birgemiz» qory arqyly óńirde 14 myńdaı adamǵa 50 myń teńgeden járdem beriletinin jetkizdi.
«Oblysta kúni búgin 5,5 myńdaı adam 50 myń teńgeni aldy. Aldaǵy aptada qordan taǵy da qosymsha qarjy keledi. Taǵy 8 myńdaı adam kómekke qol jetkizedi. Qazirgideı qysyltaıań kezde qolushyn sozyp jatqan kásipkerler, el azamattary bizdiń oblysymyzda da az emes. Olardyń bárine alǵysymyzdy bildiremiz», dedi ákim.
Eske sala keteıik, budan buryn Batys Qazaqstanda 40 myńdaı adamǵa kommýnaldyq jeńildik kórsetiletinin jazǵan bolatynbyz.