Prezıdenttik kadr rezerviniń jeńimpazy: Ómirdegi jetistikterim úshin ustazdaryma rızamyn

NUR-SULTAN. QazAqparat – Ómirdegi jetistikterim úshin ustazdaryma rızamyn. Prezıdenttik jastar kadr rezerviniń jeńimpazy, qarjy taldaýshysy, «Astana International Exchange» bırjasynyń basqarma múshesi Renat Bekturov ustazdar kúni qarsańynda osyndaı pikir bildirdi, dep habarlaıdy QazAqparat.

«Balany tárbıeleý - bul pedagogter men ata-analardyń ortaq eńbegi, olar bir baǵytta jumys isteýi tıis» dep esepteı̆di Renat Bekturov.

Ótken jyldyń sońynda ol Prezıdenttik jastar kadr rezervinde birinshi oryn aldy. Al mektepte oqyǵan jyldary jalpy bilim beretin pánder boı̆ynsha respýblıkalyq olımpıadanyń jáne matematıka boı̆ynsha respýblıkalyq ǵylymı jobalar konkýrsynyń júldegeri boldy.

Renattyń synyptastary da úlken jetistikterge jetip, ustazdaryn rızashylyqpen eske alatynyn aı̆tady.

«Men ustazdaryma óte rızamyn. Maǵan ǵana emes, búkil synypqa áser etken muǵalim – bizdiń synyp jetekshimiz Toqan Tóleýqyzy Bertisova. Betke ustar pedagog matematıka pániniń muǵalimi bolǵan. Bizge bergen tárbıesi úshin bul adamnyń ómirimizde alatyn orny. Synyptastarymyzben bir otbasy sııaqty boldyq, 20 jyl ótse de áli kúnge deı̆in aralasamyz. Biz dostyǵymyzdy saqtap qaldyq, sol úshin ustazymyzǵa rızamyz. Ol kisi ata-analarymyzben tyǵyz baı̆lanysta boldy. Árdaı̆ym eskertýler jasap, baǵalap otyratyn. Balany tárbıeleý - bul pedagogter men ata-analardyń ortaq eńbegi, olar bir baǵytta jumys isteýi kerek», - deıdi Renat Bekturov.