Prezıdenttik kadr rezervinen ótkenderdiń qanshasy óz betimen jumysqa ornalasty

NUR-SULTAN. Qazaqparat – QR Memlekettik qyzmet isteri agenttiginiń tóraǵasy Anar Jaıylǵanova Prezıdenttik Jastar kadrlyq rezervi músheleriniń jumysqa ornalasý múmkindigi týraly pikir bildirdi, dep habarlaıdy QazAqparat tilshisi.

«Búginge deıin Prezıdenttik jastar kadrlyq rezervine alynǵan jastardyń 63%-y jumyspen qamtylǵan. Qalǵandarynyń óz jumystary bar. Olar biz usynǵan laýazymdardan bas tartty. Jalpy, olardyń kóbinde jumysy bar», - dedi agenttik basshysy.

Sondaı-aq ol kadrlyq rezervtegi jastar 5 jyl boıy agenttiktiń nazarynda bolatynyn túsindirdi.

«Onyń ústine olar rezervte bes jyl bolady. ıAǵnı, áli ýaqyt bar. Biz bul baǵytta áli de jumys isteımiz. Osy ýaqyt ishinde usynylǵan jumystardyń birin tańdap jatsa, juymysqa ornalastyramyz. Kóp jaǵdaıda ózderi bas tartady. Óıtkeni burynnan jaqsy jumystary bar. Mysaly, keıbiri Astana halyqaralyq qarjy ortalyǵynda, «Halyq bankte» jumys isteıdi», - dedi Anar Jaıylǵanova ortalyq kommýnıkatsııalar qyzmetinde ótken brıfıngide.