Prezıdenttik kadr rezervine jastar 8 baǵyt boıynsha irikteledi

ASTANA. QazAqparat – Bıyl jastar prezıdenttik kadr rezervine 8 baǵyt boıynsha irikteledi. Bul týraly Memlekettik qyzmet isteri agenttigi tóraǵasynyń orynbasary Azamat Jolmanov aıtty, dep habarlaıdy QazAqparat tilshisi.

«Bul olqylyq emes. ıAǵnı, birinshi rezervti jınaǵanda salalar boıynsha naqty talap qoıylǵan joq. Demek, birinshi, ekinshi rezervti ámbebap mamandardy kóp jınadyq. Endi úshinshi rezervte salalardyń qajettiligi boıynsha irikteý máselesi tur. Ol energetıka, bilim berý, ІT-mamandyǵy syndy salalardyń mamandary bolýy tıis. ıAǵnı, osy naqty 8 sala boıynsha memlekettik organdardyń qajettiligine mamandar irikteledi», - dedi ol agenttiktiń keńeıtilgen alqa otyrysy aıasynda BAQ ókilderiniń saýalyna oraı.

Onyń atap ótýinshe, birinshi irikteýde 300 adam, ekinshisinde 50 adam iriktep alyndy. Olardyń ishinde búginge deıin 258 adam jumysqa ornalasty. 23-i saıası memlekettik qyzmette, 10-y «A» korpýsynda laýazymdy qyzmet atqarady.

Buǵan deıin Darhan Jazyqbaev iriktelgen jastar qandaı jaǵdaıda prezıdenttik kadr rezervinen shyǵarylatynyn aıtqan bolatyn.