Prezıdenttik kadr rezervine Almaty oblysynan 156 adam ótinish bildirgen
Kadrlyq rezervke ótinish bildirgen alty azamattyń tórteýi memlekettik qyzmetker. Bir azamat kásipker bolsa, taǵy bir azamat І.Jansúgirov atyndaǵy Jetisý memlekettik ýnıversıtetiniń oqytýshysy. Almaty oblysy ákimdiginde bas ınspektor bolyp qyzmet etetin Baqtııar Kóshkinov prezıdenttik kadrlyq rezervke kirýge nıet bildirgen jandardyń biri.
«Bolashaq» baǵdarlamasynyń túlegi bul jobaǵa qoıylǵan talaptar óte qatań jáne synaqtary da óte qıyn ekenin aıtady. Alǵashqy úsh emtıhannan súrinbeı ótken memlekettik qyzmetshi endigi synaqtarǵa qyzý daıyndalyp jatyr.
Bas ınspektor: «Memlekettik qyzmette júrgen ár qyzmetker ózin Nur-Sultan qalasynda, Úkimet úıinde, Aqordada jumys istep jatqanyn elestetý kerek. Egerde ol olaı elestetpeıtin bolsa, ol memlekettik qyzmette óspeıtin de shyǵar» degen pikirde.
«Al osy maqsattardyń oryndalýyna memleket barlyq múmkindik berip otyr. Oqımyn deseń shet elge baryp «Bolashaq» baǵdarlamasymen oqyp kel. Al memlekettik qyzmet baspaldaǵymen joǵarylaǵyń kelse Qasym-Jomart Toqaevtyń prezıdenttik jastar kadrlyq rezervinde ózińdi synap kórýge múmkindik bar», - deıdi jas maman.