Prezıdenttik kadr rezervi basqarýshy quramdy sapaly deńgeıge kóteredi - Jeńis Seıdýllauly
«QR Prezıdenti Qasym-Jomart Toqaevtyń saıası baǵdarlamasyndaǵy negizgi basymdyqtardyń barlyǵy birtindep iske asyp jatqanyn kórýge bolady. Sonyń biri – bilimdi jastardy memlekettik qyzmetke tartý. Memleket basshysynyń «Prezıdenttik jastar kadr rezervin qalyptastyrý» týraly Jarlyǵy - osynyń aıqyn dáleli. Prezıdenttik kadrlyq rezervti qurý ıdeıasy elimizdegi jetekshi basqarýshy quramdy jańa sapaly deńgeıge kóterýge baǵyttalǵan jaqsy bastama dep bilemin. Bul – daryndy jastar úshin ashyq jáne tıimdi áleýmettik saty. «Jastar - aldaǵy reformalardyń negizgi qozǵaýshy kúshi» dep Memleket basshysy atap ótkendeı, Úkimet qazirgi joǵary laýazymdy memlekettik qyzmettegi aǵa býynnan keıin bılikke keletin jas mamandarǵa úlken senim artýda», - dedi Qazaqstannyń eńbek sińirgen qaıratkeri.
Onyń paıymynsha, Prezıdent qabyldaǵan mańyzdy Jarlyq, bir jaǵynan, jastarǵa jol ashsa, ekinshi jaǵynan, elimizdegi kadrlyq saıasatty da jaqsarta túspek. Sonymen qatar bul bilimdi, bilikti, eńbekqor jastar úshin bul taptyrmas múmkindik.
«Jańa ıdeıalardy usynýǵa qabiletti, ózindik kózqarasy qalyptasqan, jańashyldyqqa beıim, tez sheshim qabyldaı alatyn jas kóshbasshylardy qoldaý arqyly elimiz jańa belesterdi baǵyndyrady dep oılaımyn. «Jas kelse – iske» demekshi, qabiletti jastar osy múmkindikti durys paıdalanyp, Qazaqstannyń qaryshtap damýyna óz úlesin qosýy kerek. Prezıdenttik kadr rezervine enýdiń sharty qıyn emes. Іrikteýge respýblıka boıynsha 35 jasqa deıingi joǵary bilimi men 5 jyl jumys ótili bar kez kelgen jas qatysa alady», - dedi Jeńis Seıdýllauly.
Aıta keteıik, Ulyqtaý rásiminde Memleket basshysy Qasym-Jomart Toqaev Prezıdenttik kadrlyq rezerv qurylatynyn málimdedi. Al tamyz aıynyń sońynda Q.Toqaevtyń Jarlyǵymen QR Prezıdentiniń janyndaǵy Jastar kadr rezervi jónindegi ulttyq komıssııa quryldy. Osy jyldyń qyrkúıek aıynda Prezıdenttik jastar kadr rezervine ótinim qabyldaý bastaldy.