Prezıdentti ulyqtaý rásimine bıýdjetten qarjy bólgen joqpyz – mınıstr

ASTANA. QazAqparat – QR Premer-mınıstriniń orynbasary – Qarjy mınıstri Erulan Jamaýbaev Prezıdentti ulyqtaý rásimine bıýdjet qarajatyn bólý týraly suraqtarǵa jaýap berdi, dep habarlaıdy QazAqparat tilshisi.

«Prezıdentti ulyqtaýǵa bıýdjetten qosymsha qarajat bólgen joqpyz. Ózderińiz biletindeı, ulyqtaý – Prezıdenttiń resmı túrde Konstıtýtsııalyq zań boıynsha laýazymǵa ótýine baılanysty ant berýi. Oǵan kóp qarajat ketedi dep oılaımyn. Sondyqtan, oǵan bizdiń tarapymyzdan kóp qarajat bólinbeıdi», - dedi Erulan Jamaýbaev Úkimet otyrysynan keıin tilshilerge bergen suhbatynda.

Aıta keteıik, Qasym-Jomart Toqaev 26 qarashada Qazaqstan halqyna ant beredi.

20 qarashada elimizde kezekten tys prezıdent saılaý ótti. Barlyq óńirde 10 033 ýchaske jumys istedi. Al shet memleketterdegi Qazaqstan ókildikteri janynda 68 ýchaske qurylǵan.

Elimizdegi búkil saılaýshylardyń 69 paıyzy nemese 8 mln 282 myńnan astam adam óz tańdaýyn jasady.

20 qarashada ótken kezekten tys saılaý barysynda Qasym-Jomart Toqaevqa 6 mln 456 myń 392 saılaýshy nemese olardyń 81,31 paıyzy daýys berdi.