PREZIDENTTEN UOS ARDAGERLERІNE: Elbasy quttyqtaýy - TMD prezıdentterine úlgi bolarlyq oń qadam

ASTANA. QazAqparat - Elbasymyzdyń Jeńistiń 70 jyldyǵy qarsańynda soǵys ardagerlerin Jańa jyl meresimen quttyqtap, hat joldaýy - basqa TMD prezıdentterine úlgi, ónege bolarlyq oń qadam, dedi QHA múshesi, fılosofııa ǵylymdarynyń doktory, Eýropalyq Gannover jaratylystaný ǵylymdary akademııasynyń akademıgi Qazaqbaı Tashtemiruly Qasymov.

Osy jyldyń TMD elderinde «Ardagerler jyly» dep jarııalanýy, olardyń qaıtalanbas, janqııar erlikteriniń aldynda urpaqtarynyń bas ııýi.

Jeltoqsannyń 20-30 aralyǵynda Qazaqstan Respýblıkasynda asa qurmetti Elbasymyzdyń Uly Otan soǵysy ardagerlerin qoldaýdyń jalpyulttyq aktsııasy ótýde.

Elbasymyzdyń tapsyrmasyna oraı, oblys, qala, aýdan, aýyl ákimderi soǵys ardagerlerine daıyndalǵan syı-sııapattardy arnaıy ózderi baryp tabys etedi.

Mundaı shara osyǵan deıin TMD elderinde iske asyrylǵan emes. Osyǵan baılanysty elimizdegi 5 115 qart maıdangerdiń árqaısysy Memleket basshysynyń quttyqtaý haty men syılyǵyn alady.

Árqashan ótken tarıhymyzǵa qurmetpen qaraýdy nasıhattap otyratyn Elbasy, bıyl Jańa jyl aldynda ózgelerge úlgi bolatyn erekshe tarıhı máni bar bastama kóterdi. Quttyqtaý hatty ıelenip jatqan ardagerlerdiń, Qazaqstan Respýblıkasyn óz Otanym dep sanaıtyn árbir qazaqstandyqtardyń atynan Memleket basshysyna rızashylyǵymyzdy bildirip, alǵys aıtamyz!

Barsha qazaqstandyqtarǵa kele jatqan Jańa jylda tabys, elimizge tynyshtyq tileımiz!