Oljas Bektenov prezıdentke sý tasqyny saldaryn joıý jumystary jóninde esep berdi

<p>ASTANA. KAZINFORM &ndash; Prezıdent Qasym-Jomart Toqaevqa Úkimet basshysy sý tasqyny saldaryn joıý jáne qalpyna keltirý jumystary jóninde esep berdi. Bul týraly Aqordanyń baspasóz qyzmeti málim etti.&nbsp;</p>

Premer-Mınıstr Oljas Bektenov sý tasqyny saldaryn joıýǵa jáne zardap shekken azamattardy qoldaý sharalaryn júzege asyrýǵa baǵyttalǵan josparly jumystar jóninde baıandady:

– 30 770 otbasyǵa 100 AEK kóleminde birrettik tólem berý úshin 11 mıllıard teńgeden asa qarjy bólingen;

– zardap shekken aımaq turǵyndaryn baspanamen qamtamasyz etý jumystary qarqyndy júrgizilip jatyr. Jalpy, 15103 turǵyn úı tekserilip, 11186 nysandy baǵalaý jumystary aıaqtalǵan;

– qazirgi tańda 432 otbasy buzylǵan baspanalarynyń ornyna jańa úıler men páterlerge ıe bolǵan. Atap aıtqanda, turǵyndarǵa Qostanaı oblysynda 225, Aqmola oblysynda 83, Aqtóbe oblysynda 76, Soltústik Qazaqstan oblysynda 40, Qaraǵandy oblysynda 6, Pavlodar oblysynda 2 baspana berilgen;
zardap shekken azamattar úshin 1862 jańa úı salynyp jatqany týraly málimet berdi:

– Batys Qazaqstan oblysynda 394, Qostanaı oblysynda 184, Atyraý oblysynda 48, Aqtóbe oblysynda 494, Aqmola oblysynda 273, Soltústik Qazaqstan oblysynda 500, Pavlodar oblysynda 5 turǵyn úıdiń qurylysy júrgizilip jatyr. 2947 otbasyǵa baspanasyn jóndeý jáne qalpyna keltirý úshin ótemaqy tólengen;
zardap shekken turǵyndarǵa asa qajetti dúnıe-múlik satyp alý úshin 150 AEK-ke deıin qosymsha ótemaqy tólenip jatqanyn aıtty:

– 4115 otbasy jalpy somasy 1 mıllıard teńge kóleminde ótemaqy alǵan. Sondaı-aq ólgen maldyń óteýi úshin memleketten bólingen qarjylaı kómektiń kólemi 2,3 mıllıard teńgeden asqan;

tasqynnan zardap shekken kásipkerlerdiń shyǵynyn óteý jumystary júrgizilip jatqanyn aıtty. Aımaqtyq komıssııalar tekserý jumystarynyń nátıjesine sáıkes shaǵyn jáne orta bıznes sýbektileriniń 12 ótinimin qarastyryp, maquldaǵan. Oǵan jalpy somasy 21 mıllıon teńge bólingen:

– jalpy, shyǵyndy óteý jáne qujattardy ótkizý tártibin bilý úshin 1432 nómiri boıynsha jedel jeli jumys istep tur. Bul baǵyttaǵy jumys jalǵasýda. Aldyn ala baǵalaý boıynsha sý tasqynynan 731 bıznes sýbektisi zardap shekken.