Prezıdentke kólik-logıstıka salasyn damytý jumystary týraly baıandaldy

<p>Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń otyrysy ótti. Jıynda elimizdiń kólik-logıstıka áleýetin júzege asyrý barysynda kezdesetin strategııalyq syn-qaterler qarastyryldy, dep habarlaıdy Aqordanyń baspasóz qyzmeti.&nbsp;</p>

Memlekettik organdar men ulttyq kompanııalardyń basshylary temirjol, avtomobıl, teńiz, áýe kólikteri, sondaı-aq qubyr arqyly tasymaldaý baǵyttarynda jıi ushyrasatyn problemalardy sheshý úshin atqarylyp jatqan jumystar jóninde baıandama jasady.

Memleket basshysy tranzıttik júk tasymalyn, sonyń ishinde Transkaspıı halyqaralyq kólik baǵdary arqyly tasymaldaý isin damytýdyń ózektiligine nazar aýdardy. Sondaı-aq, otandyq ónimderdi eksporttaý úshin transport áleýetin ulǵaıtý mańyzdy ekenin atap ótti. Ol úshin ınfraqurylymdyq shekteýler men basqa da kedergilerdi joıyp, kólik-logıstıka qyzmetiniń sapasyn arttyrý jáne tarıf qalyptastyrý júıesin jetildirý qajet.

Jıyn barysynda ónerkásip, eksport jáne tranzıt áleýetin qatar damytý, ınfraqurylym qurylysynyń zamanaýı standarttaryn engizý jáne kólik-logıstıka salasynyń ekonomıkaǵa mýltıplıkatıvti áserin qamtamasyz etý máselelerine aıryqsha mán berildi.