Prezıdentke Qazaqstanda mys balqytý zaýytyn salý jobasy týraly málimet berildi

SIANЬ. QazAqparat - Memleket basshysy China Nonferrous Metal Mining kompanııasynyń bas dırektory Chjan Tszıntszıýndi qabyldady, dep habarlaıdy QazAqparat Aqordaǵa silteme jasap.

Áńgimelesý barysynda taý-ken metallýrgııasy jáne shıkizatty tereń óńdeý salalaryndaǵy jobalardy júzege asyrý máseleleri qarastyryldy.

Qasym-Jomart Toqaevqa qytaılyq kompanııanyń KAZ Minerals kásipornymen birlesip, Qazaqstanda mys balqytý zaýytyn salý jónindegi jobany júzege asyrý jospary týraly málimet berildi.

Memleket basshysy osyndaı iri jobalardy iske asyrý – elderimiz arasyndaǵy tabysty seriktestiktiń nátıjesi ekenin atap ótti.